سمرقند۔15ستمبر (اے پی پی): مزن وزیر محمد شہباز شریف ءَ پنچ شمبے ءِ روچءَ سمر قند ءَ شنگھائی تعاون تنظیم (ایس سی او) ءِ سروک دیوان ءِ موہ ءَ تاجکستان ءِ صدر امام علی رحمانءَ گوں گندء ُنندکتگ ءُ دوئیں ملک آنی نیام ءَ دونیمگی اوست ء ُ دونیمگی نزیکی، مزن گسی نزیکی، دیمپانی ء ُ سیکیورٹی سیادی ءَ را گیش کنگ ءَ ہوار خطہ ءَ حاس اوگانستان ءَ امن ء ُا یمنی ، محکمی ءُ سلامتی ءَ را ترند ءُ محکم کنگءِ ھاترءَ یکجاہ کار کنگ ءِ سرءَ تپاک کنگ بوتگ۔ تاجک صدر امام علی رحمان ءَ پاکستان ءَ انوگیں ہار ءَ چہ بوتگیں انسانی نقصان ءِ سرءَ دلپدردی ءِ درشانی کتگء ُ آماچیں مردمانی بحال کنگ ءِ ھاترءَ تاجکتان ءِ نیمگ ءَ سرجمیں کمک ءِ اوست داتگ۔ مزن وزیر ءَ پاکستان ءَ ہار ءِ آماچیں مردمانی کمک کنگءَ تاجکستان ءِ شکرءُ منت گتگ ء ُ موسمیاتی مٹء ُ بدلی آنی سوب ءَ ہارءَ چہ بوتگیں تباہی ءَ چہ سرپد کتگ۔ آئی ءَ کاسا 1000 پاورٹرانسمیشن منصوبہ ءَ را پہ وہد سرجم کنگءَ پاکستان ءِ جزم ءِ درشانی کتگ۔ آئی ءَ زمین سفر ءِ پڑءَ کمک ءَ را گیش کنگ ءُ نزیکی ءِ ارزشت ءِ سرءَ زور پِر داتگ۔ آئی ءَ گوادر ءُ کراچی ءُ تاجکستان سربوہگی آسراتی پجارینگ ءِ ھاترءَ پاکستان ءِ چِنء ُ لانچ ءِ سرءَ زور پِرداتگ۔ دوئیں راہشوناں نزیکیں رابطہ ءَ را برجم دارگ ءِ سرءَ تپاک کتگ۔ مزن وزیر محمد شہباز شریف ءَ صدر امام علی رحمان ءَ را پاکستان ءِ ترءُتاب کنگءِ دعوت داتگ۔ وہدے کہ تاجک صدر امام علی رحمان ءَ مزن وزیر محمد شہباز شریف ءَ را تاجکستان ءِ ترء ُتا ب کنگ ءِ دعوت ہم داتگ۔
