سمرقند۔ 15 ستمبر (اے پی پی) وزیراعظم محمد شہباز شریف پنچ شنبے نادے آ ازبکستان نا دورہ نا وخت آ بالی پٹ آن سیدھا سمرقند اٹی حضرت خضر کمپلیکس آ ہنا و ازبکستان نا بانی راہشون اسلام کریموف نا مزار آ حاضری تس۔ داوخت آ ازبکستان نا بڑزکو سرکڑدہ، وزیر دفاع خواجہ آصف و وزیر خزانہ مفتاح اسماعیل ئسک ہم اوڑتون اوار ئسر۔ وزیراعظم ازبکستان نا بانی اسلام کریموف نا مزار آ حاضری تس و دعا پاتیا کرے۔ ہشت می صدی ٹی تفنگوک آ مسیت خضر فن تعمیر نا گچین ءُ شاہکار اسے۔ یات سلے کہ وزیراعظم محمد شہباز شریف شنگھائی کمکار تنظیم نا سربراہان مملکت نا سالانہ صدر تاجکستان امام علی رحمان و صدر ازبکستان شوکت مرزئیوف تون جتا جتا اوڑدہی کیک۔ اوکان پد وزیراعظم روسی صدر ولادیمیر پیوٹن تون اوڑدہی کیک۔ وزیراعظم ایرانی صدر ابراہیم رئیسی، بیلاروس نا صدر الیگزینڈر گریگوری۔ وچ لوکا۔شینکو و صدر کرغستان سید رجاپاروف تون ہم جتا جتا اوڑدہی کیک۔ اوکان پد وزیراعظم ازبک صدر نا کنڈآن سربراہان ملک آتا شرف اٹی تروک آ سوارہ ٹی بشخ ہلیک۔ سوارہ غان پد وزیراعظم ترکیہ نا صدر رجب طیب اردگان تون اوڑدہی کیک۔ 

متعلقہ مضامینمصنف کی طرف سے مزید