اسلام آباد۔ 15 ستمبر (اے پی پی) وزیراعظم محمد شہباز شریف پارینے کہ جہانی اقتصادی تنکی نا رداٹ شنگھائی کمکار تنظیم نا باسک ملک آتا نیام اٹ پین کمکاری ءِ مون آ دننگ نا گرج ءِ۔ پنچ شنبے نادے آ ازبکستان اٹی شنگھائی کمکار تنظیم نا باسک ملک آتا سروک آتا سالانہ دیوان اکن روانگی نا وخت آتینا ٹویٹ اٹی وزیراعظم پارے کہ شنگھائی کمکار تنظیم دنیا نا 40 درسد آبادی نا است خواہی تا وژن نا ڈیک ءِ ایتک۔ جہانی اقتصادی تنکی نا خواست ءِ کہ شنگھائی کمکار تنظیم نا باسک ملک آتا نیام اٹ پین کمکاری ءِ مون آدننگک۔ وزیراعظم محمد شہباز شریف پارے کہ پاکستان اسیجائی شونداری و شونہالی کن تین پہ تینی پت و شرف آ مبنی ’’شنگھائی سپرٹ‘‘ نا عزم انا درشانی ءِ کیک۔ وزیراعظم پارے کہ شنگھائی کمکار تنظیم جیو پولیٹکل و جیو اکنامک نا بشخ آتیٹی مروک آ فریشان کن بدلی تا دور اٹی مون آ ہِننگ نا کسر اس متعین کننگ کیک۔
