اسلام آباد۔ 15 ستمبر (اے پی پی) وزیراعظم محمد شہباز شریف نا خصوصی پارت آ کوئٹہ سبی ٹرانسمیشن لائن ءِ بحال کننگا اوکان پد کوئٹہ ءِ 300 میگاواٹ بجلی نا فراوانی بناکرینے۔ وزیراعظم آفس نا میڈیا ونگ آن جاری بیان نا رداٹ 220 کے وی کوئٹہ انڈسٹریل گریڈ اسٹیشن ءِ ہم بحال کننگانے اوکان پد علاقہ نا 132 کے وی نا 19 گریڈ کوئٹہ انڈسٹریل گریڈ اسٹیشن تون منسلک کننگانے۔ قومی شاہراہ این65(سکھر۔کوئٹہ) ءِ ہم ہیوی ٹریفک کن بحال کننگانے ہراڑآن نصیر آباد ڈویژن و ایلو نوکاپ زدہ علاقہ غاتیٹی کمکی گڑاتے سرکننگ اٹ آسانی مریک۔ یات سلے کہ وزیراعظم محمد شہباز شریف نوکاپ زدہ علاقہ غاتیٹی بحالی نا کاریم تے تینٹ مانیٹر کننگ ءِ، دا بابت اودے ہڑدے ئی بنداو آ رپورٹ پیش کننگ انگ ءِ۔

متعلقہ مضامینمصنف کی طرف سے مزید