کوئٹہ۔ 15 ستمبر (اے پی پی) محکمہ مواصلات و تعمیرات بلوچستان نا ترجمان پارینے کہ ساڑی آ بشام نا پِر و نوکاپ نا سوب آن صوبہ نا رابطہ سڑک و پول آک زہمی مسنو ہرافتے محکمہ مواصلات و تعمیرات ہلہلہ ئی بنداو تیا بحال کرے۔ اواسہ بیان اسے ٹی پارے کہ صوبہ ٹی زہمی مروک آ شاہراہ و رابطہ سڑک آتا جم کچ 571 ءِ ہرافتا مرغنی کم و ود 1386 کلومیٹر مریک ہرافتیان 534 رابطہ سڑک آتے ہلہلہ ئی وڑاٹ پورو بحال کننگانے وخت اس کہ ایلو سلوک 37 رابطہ سڑک آتا بحالی آ کاریم ترندی اٹ برجاءِ ہرافتے زوت پورو کننگک ہرانا مانیٹرنگ ءِ غٹ ضلعی انجینئر آفیسر آتا چاروکی ٹی 24 گھنٹہ کننگ انگ ءِ۔ اوپارے کہ محکمہ مواصلات وتعمیرات نا مسخت صوبہ نا غٹ ضلع غاتا رابطہ سڑک و پول آتے ہلہلہ ئی حالیت آتیٹی بحال تخنگ ءِ انتئے کہ شاہراہ تا بحالی آن نوکاپ زہمی تا وخت آ و گچین کمک ءِ کننگ مریک۔ اوپارے کہ صوبہ ءِ مون تروک مشکل حالیت آتیٹی محکمہ مواصلات و تعمیرات بحالی نا سرجزآتیٹی تینا پبی کڑد ءِ ادا کننگ ءِ۔
