اسلام آباد۔ 14 ستمبر (اے پی پی) پاکستان اٹی سعودی عرب نا سفیر نواف بن سعید المالکی چارشنبے ناسہب اتون پاکستان نا نوکاپ نا زہمی تیکن انسانی ہمدردی نا بنداو آ تروک آ ارٹ میکو کمکی کھیپ ءِ ہلک۔ دا کمکی کھیپ ءِ سعودی عرب نا کنڈآن شاہ سلمان مرکز نا کمک اٹ گدریفنگا۔ داہیت ءِ پاکستان اٹ سعودی سفارت خانہ غان جاری بیان اٹی پاننگانے۔ پاکستان سعودی عرب نا کنڈآن نوکاپ زہمی تیکن کمکی گڑاتا فراوانی آ سعودی حکومت نا منت واری ءِ ہرفینے۔ داہیت ذکر انا قابل ءِ کہ سعودی عرب آن پاکستان نا نوکاپ زہمی تیکن انسانی امداد نا اولیکو جہاز سے شنبےنادے آ کراچی نا جناح انٹرنیشنل بالی پٹ آ سرمسوسس۔ اولیکو کھیپ پاکستان اٹی سعودی عرب نا سفیر نواف بن سعید المالکی، کراچی ٹی سعودی عرب نا قونصل جنرل بندر فہد الدیل دفترخارجہ و این ڈی ایم اے نانمائندہ غاتون اوار ہلکوسس۔

متعلقہ مضامینمصنف کی طرف سے مزید