اسلام آباد۔ 14 ستمبر (اے پی پی) بین الپارلیمانی یونین ایشیا پیسفک ریجن سیمینار نا ارٹ میکو و آخیریکو دے 3 پلیزی سیشن اڈ ہلک ہرافتا کماشی ءِ پائیدار شونداری ہدف آتیکن جوڑ پارلیمانی ٹاسک فورس انا چیئرپرسن رومینہ خورشید عالم کرے۔ اولیکو پلینری سیشن اٹی تدوک آ دے انا مروک آ کارروائی نا سرجمی اٹ جاچ ءِ ہلنگا و غٹ ایشیائی ملک آتا مندوبین آتا سلاہ تے مون آ تخسا سیمینار نا اعلامیہ ٹی اوار کننگ کن امور نا جاچ ءِ ہلنگا، ہندا وڑ پائیدار شونداری ہدف آتا دوئی کننگ کن پارلیمنٹری میکنزم و پریکٹسز ءِ انسٹیٹیو شنلائزڈ کننگ نا سرجمی اٹ جاچ ءِ ہلنگا۔ کنوینر پارلیمانی ٹاسک فورس رومینہ خورشید عالم مندوبین تے سیمینار نا اولیکو دے انا کارروائی نا خلاصہ ءِ پیش کرے۔ پائیدار شونداری ہدف آتا دوئی کننگ نا بابت پارلیمنٹری میکنزم و پریکٹسز ءِ انسٹیٹیو شنلائزڈ جوڑ کننگ نا بابت سیشن اٹی موسمیاتی بدلی نا بابت کروک آ گام گیج آتیا حوال تس۔ چناتا حق و کم وئی نا برام نا بابت پاکستان نا پارلیمنٹ اٹی کروک آ کانود سازی نا بابت مندوبین تے معلومدار کننگا۔ آئی پی یو نا پروگرام منیجر انٹرنیشنل ڈویلپمنٹ الیگزینڈر ابلاگو جیوک گپ وتران کرسا پارے کہ سیمینار نا اڈتننگ نا مسخت گچین وڑوڈول آتے اسہ ایلو تون درستی راستی کرفنگ ءِ۔ اوپارے کہ سیمینار تے 2016 غان اڈتننگ انگ ءِ۔ سیمینار نا بشخ ہلوک آک پاکستان نا قومی اسمبلی نا کنڈآن موسمیاتی بدلی نا بابت کروک آ گام گیج آتا ستاءِ کرے و پلینری سیشن نا کنوینر رومینہ خورشید عالم باسک ملک آتا مندوبین تا کنڈآن کروک آ سوج آتا ورندی ءِ تس۔ باسک آتا کنڈآن پاکستان نا پارلیمنٹ اٹی کروک آ کانود سازی نا بابت کڑد ءِ تالان کننگا۔ داوخت آ ممبر فنانشل اینڈ اکنامک فیئر کمیٹی ، نیشنل پیپلز آف چائنہ کائی لنگ سیمینار آن ورچوئل تران کریر۔
