اسلام آباد۔14ستمبر (اے پی پی):ایشیا پیسفک ریجن سیمینار ءِ دومی ءُ گڈی روچ ءَ 3 پلینری سیشنز برجم بوت ایشی ءِ سروکی مھکمیں دیمروئی سیم سر آنی واستہ جوڑیں پارلیمانی ٹاسک فورس ءِ چیئرپرسن رومینہ خورشید عالم ءَ کت۔ اولی پلینری سیشن ءَ گوستگیں روچ ءَ بوھوکیں کاروائی ءِ سرجمیں چار ءُ تپاسی گرگ بوت ءُ توامیں ایشیائی ملک آنی گشتانک آنی لیکہ آنی رد ءَ ل سیمینار ءِ جار ءَ ھوار کنگ ءِ بن گپ آنی چار ءُ تپاسی گرگ بوت۔ ھمے رنگ ءَ مھکمیں دیمروئی سیم سر آنی در جنگ ءِ واستہ پارلیمنٹری میکنزم ءُ پریکٹسز آناں انسٹیٹیوشنلائزڈ کنگ ءِسرجمیں چار ءُ تپاسی گرگ بوت۔ کنوینر پارلیمانی ٹاسک فورس رومینہ خورشید عالم ءَ گشتانکار آناں سیمنار ءِ اولی روچ ءَ کاروائی ءِ ھالتران بیان کت انت۔ مھکمیں دیمروئی سیم سر آنی در جنگ ءِ ھوالگ ءَ پارلیمنٹیری میکنزم ءُ پریکٹسز آناں انسٹیٹیو شنلائزڈ جوڑ کنگ ءِ ھوالگ ءَ سیشن ءَ موسمی مٹ ءُ بدلی ءِ ھوالگ ءَ چست کتگیں گامگیج آنی ھوالگ ءَ بریفنگ داست۔ زھگ آنی ھک ءُ کم اُمبری ءِ سور ءِ ھوالگ ءَ پاکستان ءِ پارلیمنٹ ءَ کتگیں کانود ءِ جوڑیشت ءِ ھوالگ ءَ گشتانکار آناں سرپد کنگ بوت۔ آئی پی یو ءِ پروگرام منیجر برائے انٹر نیشن ڈویلپمنٹ الیگزینڈ را بلاگو جیوک ءَ ھیال آنی درشانی ءَ کنان ءَ گوشت کہ سیمینار ءِ بست ءُ بند ءِ مول ءُ مراد گہتریں رپک آناں یک ءِ دومیگ ءِ گوما سہرا کنگ انت۔ آئی ءَ گوشت کہ سیمینار 2016 ءَ چہ کنگ بوھگ ءَ انت۔
