سیلاپ  ءِ سر ءَ  سیاست کنگ  مہ بیت،  آماچیں دمگ  ءِ مردم آناں آپ ءَ چہ در کنگ ءِ  ھوالگ ءَ کار  گوں ترندی ءَ جاڑی  بہ بیت،  مزن وزیر شہباز شریف

صحبت پور۔14ستمبر  (اے پی پی): مزن وزیر  شہباز شریف ءَ سیلاپ ءَ  چہ آماچیں  دمگ  صحبت پور ءَ کمکی کار  آناں ترند  کنگ ءِ  ھوالگ ءَ   پنت ءُ شون   کنان ءَ گوشتگ کہ آماچیں دمگ آں چہ آپ ءِ در کنگ ءِ کار  گوں ترندی   کنگ بہ بیت،  آماچیں   دمگ  آنی    ورگی ساپیں آپ  پجاریکناں۔  سیلاپ ءِ سر  ءَسیاست  مہ بیت۔ چار شمبے ءِ روچ ءَ مزن وزیر ءَ بلوچستان ءِ سیلاپ ءِآماچیں  دمگ  صحبت پور ءِ تر ءُ تاب  کت آھودا  آئی ءَ  سیلاپ ءِ  تباہ کاری ،  آماچیں مردم آنی کمک ءُ  تباہ بوھوکیں انفراسٹرکچر  ءِ برجائی ءِ واستہ جاڑیگیں کوشست آنی  بابت ءَ  سرپد کنگ بوت۔  مزن وزیر  ءَ  گوشگ بوت کہ  صحبت پور  بلوچستان ءَ  سیلاپ ءَ چہ درستاں چہ گیش  آماچ  بوتگ  ادا تاوان آنی یکجائی سروے  زوت سرجم  کنگ بہ بیت،  آماچیں ھاندان  آناں  25 ہزار  کلدار  ھمک ھاندان   بے نظیر انکم سپورٹ پروگرام  ءِ چیر دستی ءَ پجاری کنگ ءَ آں ۔ انوگ ءَ تاں  یک لکھ  66 ہزار  ھاندان آناں  اے زر  دیگ بوتگ انت۔  آماچیں   مردم آناں دو لکھ  50 ہزار  بشانہ  پجاری کنگ  بوتگ  وھدیکہ  دو لکھ  ءُ نیم   گیش پجاری کناں۔  ایشی ءَ ابید  تمبو  آنی پجاری  ءِکار ھم  جاڑی انت۔   مزن وزیر ءَ را  گوشگ بوت کہ اے دمگ  آنی تہ ءَ  122 کیمپ  جوڑ کنگ بوتگ۔  میڈیکل  کیمپ  آنی تہ ءَ  4 لکھ  ءَ چہ گیش مریض  آناں علاج  ءِ آسراتی  پجاری  کنگ بوتگ۔  پینا ڈول   ءُ لیریا ءِ درما   است انت   ادا   مار ءِ  ورگ  ءُ ڈنگ جنگ ءَ چہ  مردم بیران بوتگ انت پدا ھم ایشرا گر ءُ دار کنگ بوتگ۔   لاپ پرئی جنین آدم آنی رجسٹریشن   جاڑی  انت۔  میڈیکل  کیمپ  ءَ  گائنالوجسٹ ءَ ھوار  ایندگر سیادی داروکیں  کارندہ ساڑی انت۔  ھندی  ایم پی اے  ءَ مزن وزیر ءَ  را   وش  اتک کنان ءَ گوشت کہ ادا مردم آنی گس  ءُ کشت ءُ کشار  ءُ  تباہ  بوتگ انت۔ شہر ءَ چہ آپ  ءِ در کنگ ءِ انتظامی کنگ بہ بیت۔  آئی ءَ گوشتکہ اے کدرتی  آپت  باز ٹوھ انت۔   ایشانی  برجائی ءِ  واستہ  باز مشکلا  است انت۔   مزن وزیر ءَ  گوشت  کہ  زوتیں کمکی کار آنی  واستہ بنجاھ ءَ چہ  گیش  کمک ءِضلورت انت۔  کوچگی  دمگ آنی تہءَ انٹر نیٹ ءِ برجائیءِ  ھوالگ ءَ باز مشکل  است انت پداس  ھم شہری  دمگ آنی تہءَ انٹر نیشنٹ  ءِ برجائی کنگ بوتگ۔   مزن وزیر ءَ اے موہ ء، سر ءَ آماچیں   مردم آنی  آسودگی ءِ واستہ کمکی کار آناں  ترند کنگءِپنت ءُ  شون ءَ کنان ءَ گوشتگ کہ بنجاھ  ءَ چہ گیش  فنڈز لوٹ ائیت  گڈا سرپد   بکن اِت۔   ما سیلاپ ءَ چہ سیاست مکن آں،  اے یک چکاس ات۔ سیلا پ ءِ آپ ءِ ھوالگ ءَ  ایشی  ءَ چہ مستریں آپ  من پیسر ءَ نہ دیستگ۔  ایشی  ءِ ھوالگ ءَ  سگ ءُ اوپار کشی کنگ لوٹ ائیت۔  حکومتی مشینری  سر جمیں رنگ ءَ  کار ءَ انت۔   صحبت  پور   چہ  درستاں  گیش   آماچ بوتگ۔  آپ  ءِ  کمیگ ءِ ھوالگ  ءَ نوٹس   زوران ءَ  مزن وزیر ءَ زوتیں رند ءَ ہیلی کاپٹر  ءِ وسیلگ ءَ آپ ءِ بوتل   پجاری    کنگ بیت۔  آئیءَ گوشت کہ کارندہ آناں پنت ءُ شون  کتگ کہ آپ  ءِ پجاری ءِ ھوالگ  ءَ   شکاست مہ بیت۔  مزن وزیر ءَ گوشت کہ  تمبو  آنی آرڈر  دیگ بوتگ  ءُ اے تمبو بلوچستان ءَ چہ سیلاپ ء ِ  آماچیں   دمگ آنا دیگ بنت،  آماچیں دمگ آنی تہ ءَ  ھوپ  ءُ نادراھی  شنگ ءُ تالان  بوھگ ءَ انت  ایشاناں کنٹرول کنگ المی انت۔