مزن وزیر شہباز شریف  مرچی بلوچستان ءَ ضلع  صحبت پور ءِ سیلاپ ءَ چہ آماچیں دمگ آنی   تر ءُ تاب ءَ کنت،  بنجاھی وزیراھوالکاری  ءُ شنگ کاری مریم  اورنگزیب

اسلام آباد۔14ستمبر  (اے پی پی): بنجاھی وزیر اھوالکاری ءُ شنگ کاری مریم  اورنگزیب ءَ گوشت کہ مزن وزیر  محمد  شہباز شریف   مرچی صوبہ  بلوچستان ءَ ضلع   صحبت پور ءِ  سیلاپ ءَ چہ  آماچیں   دمگ آنی تر ءُ تاب ءَ کنت۔ چار شمبے ءِ  روچ ءَ وتی ٹویٹ  ءَ آئی ءَ گوشت کہ  چیف  سیکرٹری بلوچستان  سیلاپ ءِ  تباہی ،  آماچیں مردم آنی  کمک ءُ  تباہ بوھوکیں انفراسٹرکچر  ءِ برجائی ءِ  واستہ جاڑیگیں   کوشست  آنی  ھوالگ  ءَ  بریفنگ  دنت۔   مریم اورنگزیب  ءَ گوشت کہ  مزن وزیر  سیلاپ  ءِ آماچیں مردم آں گوں گند ءُ نند  ھم کنت۔