اسلام آباد۔13ستمبر (اے پی پی): راجی اسمبلی ءُ پالیمان آنی وت وتی یونین ءِ یکجائی ءَ چہ مھکمیں دیمروئی ءِ سیم سر آنی در جنگ ءِ پد ءَ ایشیا پیسیفک ریجن ءِ پارلیمان آنی سیمی دمگی سیمینار “جان سلامتی پڑ ءَ جوانیں آسراتی آناں دل یکیمی جوڑ کنگ” ءِ بن گپءِ پد ءَ بریک آوٹ سینیشن سئے شمبے ءَ پارلیمنٹ گس ءَ بوت۔ اے موہ ءِ سر ءَ میاں اوستمانی جان سلامتی ادارگ ءِ پاکستان ءَ ہیڈ آف مشن پالیتھا ہاہی پالا ءَ ھیالانی درشان کنان ءَ گوشت کہ مھکمیں دیمروئیءِ سیم سر آنی رد جنگ ءِ رد ءَ یونیورسل ہیلتھ کئیر ءَ را 2030 ءَ تاں دل یکیمی جوڑ کنگ ءِ واستہ منظوری کتگیں منوگری آنی سر ءَ پد ءُ رندی ءِ ضلورت انت۔ 2030 ءَ تاں یونیورسل ہیلتھ کئیر ءَ تاں 5 ارب مردم آناں رسائی رست کت کنت۔ توامیں ملک آناں وتی جی ڈی پی ءِ 5 ءَ بگر تاں 6 درسد جان سلامتی پڑ ءَ ھرچ کنگ بیت۔ پاکستان ءَ سیلاپ ءَ چہ یک ملین گس آناں تاوان رستگ وھدیکہ لکھا مردم بے گس بوتگ انت۔ مئے دعا پاکستان ءِ گوما انت۔ جوانیں زندمان ءُ یونیورسل ہیلتھ کئیر ءَ را دل یکیمی جوڑ کنگ ءِ واستہ پرائمری ہیلتھ سروسز ءَ را گہتر جوڑ کنگی اِنت۔
