ملک ءِ معاشی  جاور  آناں گہتریں  رند ءَ چلائینگ  ءِ واستہ ورنا آناں  ھیل کاری  دیگ لوٹ ائیت،  ڈپٹی سپیکر راجی اسمبلی  زاہد اکرم  درانی ءِ آئی پی یو  ایشیا پیسیفک  سیمینار ءِ   پلیزی سیشن  ءَ گوں  گشتانک

اسلام آباد۔13ستمبر  (اے پی پی):ڈپٹی سپیکر  راجی اسمبلی زاہد اکرم درانی ءُ باسک راجی اسمبلی شیزہ فاطمہ  کواجہ ءَ آئی  پی یو  ایشیا پیسیفک  ممبر  ملک آنی پارلیمان ءِ سیمی تر ءُ تاب دمگی  سیمینار    ءَ گوں گشتانک ءَ بے روزگاری ءِ ھلاسی ءِ واستہ   ورنا  آناں ھیل کاری دیگ ءِ ضلور ت ءِ سر ءَ  زور پر داتگ۔  سئے شمبے  ءِ روچ ءَ  لہزی  سیشن ءَ گوں گشتانک دیان  ءَ  زاہد اکرام درانی ءَ گوشتگ کہ پارلیمنٹ  سرجمیں دگنیا ءَ  اے رنگیں مول ءُ مراد آنی در جنگ ءَ کانودی  ءُ  وت مہ  وتی  کمک  آنی تہءَ  کمک کنت۔    وانگ ءُ زانگی  کد ءُ بالاد  لیبر  مارکیٹ ءِ رد ءَ  بہ بنت۔  آئی پی  یو ایشیا پیسیفک ممبر  ملک آنی پارلیمان  ءِ سیمی   دو روچی دمگی سیمینار  ایم این  اے شہزہ فاطمہ  خواجہ ءِ سروکی ءَ بوت۔   شہزہ فاطمہ خواجہ  ءَ گوشتگ کہ  ھیال کاری،   بے روزگاری  ءِ     ھوالگ ءَ  ورنا آناں  سرپد  کنگ  وھد ءِ ضلورت انت۔   ڈپٹی  اسپیکر  زاہد اکرم درانی ءَ گوشت کہ ملک ءِ معاشی   جاور آناں گہتریں رنگ ءَ  چلائینگ ءِ واستہ ورنا آناں  ھیل کنگ  لوٹ ائیت۔  حکومت ورنا  آناں جوانیں    ءُ کد ءُ بالادی   وانگ ءُ زانگ پجاری   کنگ ءَ ارزشتی ایں  کرد  ءِ پیلو کنگ ءَ انت۔  ایشیا پیسیفک  ءَ کساس  ھمک  ملک ءِ بنیاتی  وانگ ءُ زانگ  دلبڈین اَنت۔