اسلام آباد۔13ستمبر (اے پی پی): حزانگ ءِ ملکی وزیر عائشہ پاشا ءَ گشتگ کہ ہزارریہ دیمروئی ءِ تہا جان ء ُ سلامتی، وانگ ء ُزانگ، ہنرمندی، ورگی ساپیں آپ ءِ پجاری، آپ ءِ نکاسی ءِ حاسیں سرھال مان اَنت، مارا وتی ورناہ آناں جوانیں وانگء ُ زانگ ء ُ ہنر دیئگ لوٹ ایت، دیمروئی ء ِ برورد نیزگاریں تبک سرنابوہگ بدبھتی اِنت، مارا کشتء ُ کشاری ء ُ کوچکی دمگانی دیمروئی ءِ سرءَ دلگوشی دیئگ لوٹ ایت۔ سئے شمبے ءِ روچءَ بین الپارلیمانی یونین ءِ سیمینار ءَ گوں تران کتگء ُ آئی ءَ گشتگ کہ پاکستان ءِ آباتی ءِ 65 درسد ورناہ اَنت، مارا وتی ورناہ آنی ھاترءَ روزگارءِ موہ آنی تہا گیشی کنگ لوٹ ایت، آئی ءَ گشتگ کہ پاکستان ءَ اے وہدءَ ما ہارءَ چہ مزنیں کساسے ءَ تباہی ءِ آماچ اَنت، 3 کروڑ 30 لکھ مردم ایشی ءَ چہ آما چ اَنت، لکھاں ایکڑ زمینانی کشار تباہ بوتگ اَنت۔ آئی ءَ گشتگ کہ اے وہدءَ ہارءَ چہ آماچین دمگاں 6 لکھاں چہ گیش لاکھاں چہ گیش لاپ پُری زال بول کہ آیانی تہا 75 ہزار زالبولانی چُک ء ُ ماتی ءِ ماہ ہمیش اِنت، آیانی ھاترءَ طبی آسراتی ءِ پکار اِنت۔ آئی ءَ گشتگ کہ ملک ءَ گپ کنگءَ زہباریں مردمانی توار جوڑ بوہگءِ ضلورت اِنت، بدبھتی ءَ چہ دیمروئی ءِ برورد نیزگاریں تبک ءَ را سربوہگءَ نیاں، ایشیائی خطہ ءِ یک بہرے نیزگاری ءَ چہ ہم جہل ءِ زندءَ گوازینگ ءَ اِنت، مرچی یک جوانیں موہ اِت کہ نیزگاری ءِ ہلا سی ءِ ھاترءَ گامگیج چست کنگ بہ بیت، ایشیائی خطہ ءِتہا 70 ءِ داہکءَ باز جوانیں دیمروئی بوتگ۔
