بین الپارلیمانی یونین نا سیمینار اٹی بشخ ہلوک آتے نوکاپ نا بھسکاری تا بارواٹی گونڈ ءُ دستاویزی پروگرام اس نشان تننگا

اسلام آباد۔ 13 ستمبر (اے پی پی) ایشیاپیسفک ملک آتا بین الپارلیمانی یونین نا سیمینار نا بشخ ہلوک آتے پاکستان اٹی نوکاپ نا ساڑی آ بھسکاری و اونا زالبول و چناتیا اثرآتا بابت گونڈ ءُ دستاویزی پروگرام اس نشان تننگا۔ سے شنبے نادے آ پارلیمنٹ ہاؤس اٹی بشخ ہلوک آتے دا دستاویزی پروگرام اٹی پاننگا کہ زہمی علاقہ غاتیٹی دا آفت آن سد آ مرک مسنے، زہمی علاقہ غاتیٹی 90 درسد سلوک فصل آک بھس مسنو، نوکاپ نا سوب آن بھلو کچ اسے ٹی زالبول، جنوزان و چناتے مشکل مون تروک ءِ، 75 ہزار پِڈ پُر زالبول آتا ہاں ہندا تُو چناتا ودی کن آسراتی نا گرج ءِ، پیشن نا امداد آن بیدس نوکاپ آن زہمی زالبول آک بحال مننگ کپسہ۔ دستاویزی پروگرام اٹی پاننگاکہ نوکاپ آن 400 چنازوال کرینو، 160 پول، سد آ کلومیٹر سڑک آک بھس مسنو، زہمی کودک چناتا دروشم آ بشخندہ و زند انا رونق ءِ بحال کننگ کن ریسکیو و بحالی نا گرج ءِ۔