باجوڑ 132 کے وی ٹرانسمیشن لائن، گوادر آن رتو ڈیرو موٹروے ایم 8 نا آپریشنل سیکشن بحال، وزیراعظم نا پارت آ بحالی نا کاریم ہلہلہ ئی بنداو تیا برجا

اسلام آباد۔ 13 ستمبر (اے پی پی) وزیراعظم محمد شہباز شریف نا خصوصی پارت آ نوکاپ زدہ علاقہ غاتیٹی سڑک و بجلی نا فراوانی ءِ بحال کننگ نا کاریم ہلہلہ ئی بنداو تیا برجاءِ، تیمر گرہ۔ باجوڑ 132 کے وی ٹرانسمیشن لائن، گوادر آن رتو ڈیرو موٹروے ایم 8 نا آپریشنل سیکشن ءِ بحال کننگانے۔ وزیراعظم آفس نا میڈیا ونگ آن جاری بیان نا رداٹ وزیراعظم بحالی نا کاریم تا تینٹ چاروکی ءِ کننگ اٹی ءِ وخت اس کہ اودے ہڑدے ئی بنداو آ رپورٹ پیش کننگ انگ ءِ۔ گوادر آن رتو ڈیرو موٹروے ایم 8 نا آپریشنل سیکشن ٹریفک کن بحال کننگا۔ ایم 8 وانگو ہلز انا ہند آن لینڈ سلائیڈنگ ءِ کلیئر کننگا۔ ایم 8 موٹروے بحال مننگ آن گوادر، آواران ، خضدار و رتو ڈیرو کن ٹریفک بحال مسنے۔ ایم 8 موٹروے سیکشن ءِ مسافر آتا آسانی کن اسہ کنڈآن ملنگانے۔ تیمر گرہ۔ باجوڑ 132 کے وی ٹرانسمیشن لائن ءِ بحال کننگا۔ باجوڑ و منڈاگریڈ اسٹیشن تیا معمول نا آپریشن بحال مس۔ بھان سعید آباد ءِ گیگ بدل ذریعہ اٹ بجلی سپلائی کننگ انگ ءِ۔ وارا نا خلق ءِ قمبر گریڈ اسٹیشن آن بجلی سپلائی تننگ ءِ۔ وزیراعظم نا پارت آ نیشنل ہائی وے اتھارٹی و پاور ڈویژن بحالی نا کاریم تیا دے و نن سلوک ءِ۔