اسلام آباد۔ 13 ستمبر (اے پی پی) پاکستان نا نوکاپ زدگان تیکن کمکی جہاز آتا بننگ برجاءِ ، داتم اسکان 82 جہاز زہمی تیکن کمکی گڑا اتسا پاکستان آ سرمسنو۔ دفترخارجہ نا رداٹ نوکاپ زدگان تیکن داتم اسکان متحدہ عرب امارات آن 37، ترکیہ غان 12، چین آن 4، ازبکستان آن اسٹ، قطر آن چار، فرانس آن اسٹ، یونیسیف نا اِرٹ ، اقوام متحدہ نا پناہ گزین تا ادارہ (یو این ایچ سی آر) نا 6، ترکمانستان آن اسٹ، اردن نا اسہ پین جہانی ادارہ خور انا 3 و امریکہ غان 10 جہاز کمکی گڑا اتسا پاکستان آ سرمسنو۔
