اسلام آباد۔ 13 ستمبر (اے پی پی) بنجائی وزیر حوالکاری و شینکاری مریم اورنگزیب پارینے کہ عمران خان ءِ نوکاپ اٹی ڈبنگوک آ ملک و مخلوق نظر بفننگ ءِ، اقتدار نا ہوس نا پٹی خن تیا تفینے، عمران خان نا حقی ویل جندی انا، تکبر، خودپسندی ، اقتدار نا ہوس و کرپشن ءِ، عمران خان صاحب اخس اوقات ءِ ہموخس ہیت کہ، ’’کننگے‘‘ و ’’کننگے‘‘ نا وخت چٹا، عمران صاحب اول فیصلہ کہ نا ویل انت ءِ؟ پیشن نا سازش؟، حقی آجوئی؟الیکشن کمشنر؟ کرپشن نا این آر او؟۔ سے شنبے نادے آ تینا بیان اٹی اوپارے کہ عمران خان حقی آجوئی آخا بلکن تینا حقی کرپشن آن این آر او خواہک، پیشن نا ملک سازش آخا بلکن تینا فارن فنڈنگ نا حقی سازش آن این آر او خواہک، عمران خان نا مسخت گچین کاری اف بلکن تینا مقدمہ غاتے چٹفنگ ءِ، عمران خان دھڑکو و کرینگ اٹ این آر او خواہنگ ءِ۔ اوپارے کہ عمران خان فرح گوگی و بشریٰ بی بی کن این آر او خواہنگ ءِ، عمران خان ناجوڑ، شکست کنوک ذہنیت نا مالک و کرپٹ ءُ انسان اسے، عمران خان دروغ تڑ، انا پرست و خودغرض ءُ بہروپیہ سے، عمران خان فارن فنڈنگ اٹ این آر او خواہنگ ءِ۔ بنجائی وزیر حوالکاری پارے کہ الیکشن کمشنر آخر انت گناہ اس کرینے؟ 8 سال آن پدتموک فارن فنڈنگ کیس اٹی فیصلہ ءِ ہی تو بنفینے، عمران خان صاحب نی الیکشن کمشنر آن انت اسے نا گارنٹی ہلکوسس؟ عمران خان فارن فنڈنگ اٹ الیکشن کمشنر آن این آر او خواہسکہ، عمران صاحب الیکشن کمشنر آ نا انت اکن غصہ ءِ؟ عمران صاحب نے الیکشن کمشنر نا انت، دیر اس و انت اکن گارنٹی تسوسس؟ اوپارے کہ عمران خان امریکہ نا برخلاف بیان بازی کیک و امریکی فرم آن امریکہ ٹی لابنگ و برانڈنگ کرفک، ڈکوئی ٹی اوڑدہی کیک۔
