اسلام آباد۔ 13 ستمبر (اے پی پی) بنجائی وزیر جان جوڑی عبدالقادر پٹیل نا خصوصی پارت آ نوکاپ آن زہمی علاقہ غاتیٹی ہیلتھ کیمپ خلنگ نا چرجوئی برجاءِ۔ تینا بیان اٹی اوپارے کہ ہیلتھ کیمپ قومی و صوبائی پولیو ایمرجنسی آپریشنز سینٹر و آغاخان ہسپتال نا شریداری اٹ خلنگ انگ ءِ۔ اوپارے کہ نوکاپ زدہ علاقہ غاتیٹی 25 ہیلتھ کیمپ آتیٹی طبی امداد تننگ انگ ءِ۔ اوپارے کہ خیبرپختونخوا ٹی 16، پنجاب اٹی 4 و سندھ اٹی 5 ہیلتھ کیمپ آتیٹی طبی امداد تننگ انگ ءِ۔ بنجائی وزیر جان جوڑی پارے کہ ہیلتھ کیمپ آتیٹی جان جوڑی نا بنداوی آسراتی فراوان کننگ انگ ءِ۔ اوپارے کہ کیمپ آتیٹی دوائی و چناتا ویکسی نیشن ءِ پک کننگ انگ ءِ عبدالقادر پٹیل پارے کہ جلد انا مرض، خن تا انفیکشن ، اینٹی ڈائریا نا دوائی ہم فراوان کننگ انگ ء۔ اوپارے کہ وزارت جان جوڑی صوبائی حکومت تون اواری اٹ نوکاپ زہمی تے طبی آسراتی تا فراوانی ءِ پک کننگ کن سنبرینگوک ءِ۔
