اسلام آباد۔ 13 ستمبر (اے پی پی) بنجائی وزیر قومی جان جوڑی عبدالقادر پٹیل ڈرگ ریگولیٹری اتھارٹی نا کنڈآن 10 دوائی تا نہاد آتیٹی ودکی نا سمری ءِ مسترد کرینے۔ سے شنبے نادے آتینا بیان اٹی اوپارے کہ ای اسہ سیاسی ءُ کارندہ اسے اُٹ و نیزگار آتا خذمت ءِ کننگ کنا نصب العین ءِ۔ اوپارے کہ نیزگار الس آ دوائی تا نہاد آتیٹی ودکی نا بھاریم ءِ شاغپرہ۔ اوپارے کہ دوائی تا نہاد آتیٹی ودکی کن زور شاغنگ انگ ءِ ولے ای ہچ ءُ زور اسے ٹی بفرہ۔ اوپارے کہ دوائی تا نہاد آتیٹی اسل ودکی کپنہ۔ اوپارے کہ تدوک آ دور حکومت اٹ 570 دوائی تا نہاد آتیٹی 179 درسد ودکی کننگا۔ اوپارے کہ پاکستان داوخت آ مشکل حالیت آن گدرینگ انگ ءِ۔ اوپارے کہ ملک اٹی جعلی دوائی بہاکروک آتا برخلاف کریک ڈاؤن کننگ انگ ءِ۔ اوپارے کہ حکومت نا منظور مروک نہاد آن زیات ہلوک آتا برخلاف ہم سخت کارروائی کننگک۔
