کوئٹہ۔ 13 ستمبر (اے پی پی) پروانشل ڈیزاسٹر مینجمنٹ اتھارٹی بلوچستان (پی ڈی ایم اے ) نا جاری کروک بیان اٹی پاننگانے کہ تدوک آ 24 گھنٹہ ٹی صوبہ نا گیشتر علاقہ غاتیٹی موسم باسن و جمری ئسک۔ پی ڈی ایم اے آرمی/ایف سی نا کمک اٹ آواران، سبی، نصیر آباد، جھل مگسی، کچھی ، نوشکی ، موسیٰ خیل ، ڈیرہ بگٹی ، صحبت پور و لسبیلہ ٹی ریلیف و ریسکیو آپریشن کننگ اٹی ءِ۔ یانزدہ ایمبیڈڈریلیف کیمپ نصیر آباد، جعفر آباد، جھل مگسی، کوئٹہ، ڈیرہ بگٹی ، کوہلو و صحبت پور اٹی کاریم کننگ ءُ۔ دا کیمپ آتیٹی کمکی سرجزآتا سرجم آک دادو، آواران اٹی زہمی خاہو ت آتیٹی 55 راشن پیکج بشخنگا۔ سول ہسپتال سبی ٹی داخل ناجوڑ آتے ہڑدے ئی بنداو آ دے اٹی اِرا وار تیار کن و خور تننگ انگ ءِ۔ نصیر آباد اٹی ، راشن پیکج 300 بندغ و 604 خاہوت آتیٹی بشخنگا و ایلو کمکی گڑا بشمول تمبو، کمبل ، لحاف ، دیر انا بوتل ، تیار کن و خور ، کشک راشن و اُرائی گڑا ، کچھی ٹی 38 خاہوت آتیٹی تیار کن و خور/خشک راشن و بوتل نا دیر بشخنگا۔ جھل مگسی ٹی 55 راشن پیکج بشخنگا و علاقہ ٹی دیر ساف کننگ نا آپریشن ہم کننگا۔ نوشکی ٹی 11 راشن پیکج بشخنگا۔ بیلہ و کیبی ٹی 100 راشن پیکج، 200 نت انا تھیلہ، 20 واٹر کولر و 20 کارٹن دیر انا بوتل بشخنگا۔ ایف سی ڈیرہ بگٹی ٹی 528 راشن پیکج و تیار کن و خور، موسیٰ خیل اٹی 60 راشن پیکج، 40 نت انا تھیلہ، پچ جوس و پال انا کاٹن بشخار۔ سول منشاکار آک گوٹھ کنڈی نیمی، لسبیلہ ٹی 100 راشن بیگ، پچ و بوٹ بشخار۔ پی ڈی ایم اے کوئٹہ و قلعہ سیف اللہ ٹی 175 تمبو، 150 فوڈ پیکج، مچھر دانی، پلاسٹک نا چٹائی ، بالٹی ، جیری کین و 250 کمبل بشخا۔ تدوک آ 24 گھنٹہ ٹی پی ڈی ایم اے و آرمی ، ایف سی نا کنڈآں لوٹی، زین، کلی دامن، آدم پور، پروم، مند، میرانی ، بالنگور ، ڈی ایم جے، حبیب کوٹ گنڈکا، جھل مگسی ، اوستہ محمد اٹی کل 83 فری میڈیکل کیمپ خلنگا ہراڑے ہزار آ ناجوڑ آتا درمان ءِ کننگا۔10، این۔ 40، این۔ 70 و این۔ 85 شاہراہ تے ملنگا نے۔ این۔ 25 لنڈاپول ڈاءیورژن نا کمک اٹ غٹ ٹریفک کن ملوک ءِ۔ این۔ 50 جزوی وڑاٹ ٹریفک کن ملوک ءِ ہرانا سنگل کیریج وے پول سگو ٹی بناکننگانے۔
