بین الپارلیمانی یونین   ءِ ایشا پیسیفک ریجن ءِ  باسکیں ملک آنی  سئمی دوروچی  سیمنار باندا ( سئے شمبے) ءِ روچءَ چہ بندات بیت

اسلام آباد۔12ستمبر  (اے پی پی):بین الپارلیمانی یونین ( آئی پی یو) ءِایشا پیسیفک ریجن ءِ باسکیں ملک آنی  سئمی دوروچی سیمینار باندا ( سئے شمبے ) ءِ روچءَ مزن گس ءَ بندات بیت۔  راجی اسمبلی سیکرٹریٹ ءَ مہمانانی وش اَتک، آیانی ھاترءَ راجی اسمبلی   ہال ءَ   سیٹ ایر کنگءَ ہوار درائیں  چِن ءُ لانچ سرجم کتگ اَنت۔ میڈیا ءِ نمائندگانی ھاترءَ مزن گس ءَ پُترگ ءِہوالگءَ راجی اسمبلی  سیکرٹریٹ ءَ پی آر اے ءِ  شورء ُ  صلہ ءَ چہ فیصلہ کتگ کہ راجی اسمبلی  سیکرٹریٹ ءِ نیمگ ءَچہ راجی اسمبلی ءِ 43 می سیشن ءِ ھاترءَ جاری  کارڈ  پائدگ مند  بنت۔ایشی ءَ ابید اسلام آباد ءَ  نندوکیں فارن میڈیا ءِ نمائندگ، ایڈیٹرز، بیورو چیف، اینکر پرسنز ءُ کالم نبشتہ کنوک آیانی  ایس ڈی جی ءِ سرءَ نبشتانک  اَست ءُ آیانی گورءَ راجی اسمبلی ءِ 43 می دیوانءِ کارڈ  نیست اِنت  آیاناں حاسیں کارڈ ءِ وسیلگءَ  دعوت دیئگ بوتگ۔ سیمینار ءِ  بُنگیجی مراگش 13 ستمبر سھب ءِ 10 بج ءَ راجی اسمبلی ہال ءَ بیت کہ آئی ءِ حاسیں مہمان  مزن وزیر محمد شہباز شریف بیت۔ سیمینار ءِ گڑی مراگش 14 ستمبر روچ ءِ 3:15 تاں 4 بج ءَ راجی اسمبلی ءِ ہال ءَ بیت۔ ایشی ءَ ابید اے  دوروچی سیمینار ءَ بازیں سرھالانی سرءَ بریک آئوٹ سیشن بنت۔ ایس ڈی جیز ءِسرءَ آئی پی یو ایشیا پیسیفک ریجن ءِ   باسکیں ملک آنی  اے سیمینار ءِ  باسکاناں پاکستان ءَ  راج دپترءِ بدتریں ہار ءِ تباہ کاری  ءُ ایشی ءَ چہ ودی  بوتگیں جاورھالاں چہ سرپد کنگ بیت، ایشی ءِ بنکی وجہ میاں اوستمانی موسمیاتی مٹءُ بدلی اَنت کہ آئی ءَ چہ  پاکستان آماچ بوتگ۔