عمران خان تکبر و خودپسندی نا سوب آن خطرناک ءِ، مریم اورنگزیب

اسلام آباد۔ 12 ستمبر (اے پی پی ) بنجائی وزیر حوالکاری و شینکاری مریم اورنگزیب عمران خان ءِ تکبر و خودپسندی نا ذہنی مریض مننگ نا سوب آن خطرناک گوندسا پارینے کہ عمران خان ءِ ادارہ، اونا سروک یا جج اسے کرینگ تننگ اٹ ہچ ءُ شرم اس اف، عدالت آتے سمامرے کہ عمران ءِ ندامت ءِ ، نئے شرمندگی۔ لغور، اناپرست، خودپسندی و تکبر اٹی ڈبنگوک آ بندغ خطرناک مریک، او اسہ ڈھیٹ، فسطائی و بے شرم ءُ انسان اسے  ہراپاش آن پاش دروغ تڑک، نوکاپ آ ہم سیاست کیک، قوم و میڈیا غان خواست ءِ کہ خودپسند ، اناپرست بندغ نا جاگہ غا نوکاپ زہمی تا کنڈآ تینا چکار ءِ کے۔ دوشنبے نادے آ تینا بیان اٹی مریم اورنگزیب پارے کہ زہمیک داوخت آ نوکاپ نا تکلیف اٹی ءُ، دا اہل وطن نا کمک آ ہی قوم و میڈیا تینا چکار ءِ تخے۔ اوپارے کہ عمران خان نوکاپ زہمی تا جوزہ غاتون گوازی کرسا بے چیٹی تالان کننگ خواہک، داناجوڑ ذہنیت والا بندغ نوکاپ زہمی تا نُت آ تیا ہم سیاست کیک، دا بندغ تینا گھٹیا سیاست کن نوکاپ زہمی تا امداد ءِ تورفنگ خواہک۔ اوپارے کہ دا ناجوڑ ذہنیت ءِ ہرا سمجھک کہ ای وزیراعظم افٹ، ہنداخاطرآن نوکاپ زہمی تا کمک ءِ کپبو، وخت اس آئی ایم ایف پروگرام نا بحالی ءِ تورفک، وخت اس نوکاپ زہمی تیکن امداد ءِ تورفنگ کن گھٹیا کوشست کیک۔ دا ہمو ذہنی ناجوڑ ءِ ہرا تینا سیاست کن شہید آتا برخلاف سوشل میڈیا غا زیاری مہم چلیفک۔