پاک فضائیہ نا نوکاپ آن زہمی علاقہ غاتیٹی ریسکیو و بحالی نا کارروائی

کراچی۔ 12 ستمبر (اے پی پی) پاک فضائیہ خیبرپختونخوا، بلوچستان، سندھ و سویلی پنجاب نا نوکاپ آن زہمی علاقہ غاتیٹی ریسکیو و بحالی نا عمل کن ہرممکن کمک فراوان کننگ اٹی ءِ۔ پاک فضائیہ نا کنڈآن جاری اعلامیہ نا رداٹ پاک فضائیہ نا ہوائی بیڑہ و ہیلی کیپٹر آک نوکاپ زہمی تا کشنگ اٹ رکھ اتون اوار کنوئی آ گڑا و طبی گڑاتا بذریعہ ایئر ڈراپ ترسیل اٹی ہم ہم کڑد اس ادا کننگ اٹی ءُ۔ پاک فضائیہ نا میڈیکل ٹیمک نوکاپ زہمی تا مشکل آتے کم کننگ کن فلڈ ریلیف کیمپ آتیٹی پدریسہ طبی امداد فراوان کننگ کن دے و نن اختہ ءُ۔ تدوک آ 24 گھنٹہ ٹی پاک فضائیہ ناایمرجنسی ریسپانس ٹیمک ضرورت مند خاہوت آتیٹی 22 ہزار 785 تیار کن و خور نا پیکٹ، 250 دیر انا بوتل و 1380 بنداوی غذائی اجناس آ تالان خشک راشن نا پیکٹ بشخار۔ داکان بیدس مفت خور و رہینگ نا فراوانی آن بیدس پاک فضائیہ نا فیلڈ میڈیکل کیمپ آتیٹی میڈیکل ٹیمک 1389 ناجوڑ آتا طبی معائنہ ءِ ہم کریر۔