حکومت نوکاپ آن زہمی بندغ آتا امداد کن گام گیج کننگ ءِ، سخی تے ہم مون آ بروئی مریک، وزیرخزانہ مفتاح اسماعیل

اسلام آباد۔ 12 ستمبر (اے پی پی) بنجائی وزیر خزانہ و محصولات مفتاح اسماعیل پارینے کہ حکومت نوکاپ آن زہمی بندغ آتا امداد کن گام گیج کننگ اٹی ءِ ولے سخی بندغ آتے ہم نوکاپ زدگان تا امداد کن مون آ بروئی مریک۔ دوشنبے نادے آ تینا ٹویٹ آتیٹی وزیر خزانہ پارے کہ لاہور چیمبر آف کامرس اینڈ انڈسٹریز نا بزنس لیڈر آتون اوڑدہی ٹی اودے اِرا ویڈیو نشان تننگا ہراٹی ساڑی آ پِر و نوکاپ آن مروک آ بھسکاری و نسخان تا کساس ءِ کننگ مریک۔ وزیرخزانہ پارے کہ او بزنس لیڈر آتے پارے کہ نن داڑکن صاحب ثروت اُن انتئے کہ ہرااُراتیٹی نن خن تے ملانن او صاحب ثروت ئسر، داہیت ءِپارسا ای تینا جوزہ غاتوننگ کتوٹ۔ ای اوفتے پاریٹ کہ نن ہم نوکاپ زدگان تیان مننگ کینہ۔ وزیرخزانہ پارے کہ حکومت تینا وسیلہ و کچ انا رداٹ نوکاپ آن زہمی بندغ آتا کمک و امداد ءِ کننگ ءِ و دا چرجوئی برجاسلک ولے حکومت تنیا دا غٹ ءِ کننگ کپک، زہمی تا امداد کن صاحب ثروت و سخی تے است انا حب اٹ نوکاپ آن زہمی تینا پاکستانی ایلم تا امداد کن وزیراعظم نا فنڈ اٹی عطیہ تروئی مریک۔