اے این ایف راولپنڈی نا موٹروے آ کارروائی، گاڈی آن بھلو کچ اسے ٹی منشیات دوئی، زالبول آتون اوار 4 دوبہ دار دزگیر

راولپنڈی۔ 12 ستمبر (اے پی پی) اینٹی نارکوٹکس فورس راولپنڈی موٹروے آ گاڈی آن بھلو کچ اسے ٹی  منشیات دوئی کرسا اِرا زالبول اتون اوار 4 دوبہ دار ءِ دزگیر کریر۔ ترجمان نا رداٹ اے این ایف راولپنڈی ٹی سرسہب کارروائی کرسا موٹروے انٹرچینج اسلام آباد تبلیغی مرکز نا خڑک گاڈی آن منشیات دوئی کرے، کوزہ ٹی ہلوک آ منشیات اٹی 40 کلو 800 گرام ہفیم اوار ءِ۔ ترجمان پارے کہ منشیات سی این جی سلنڈر و درگہ غاتا تہہ ٹی چاہنداری اٹ اودیم کننگاسس۔ داوخت آ اے این ایف اِرا زالبول آتون اوار چار دوبہ دارآتے دزگیر کرے ہرافتا برخلاف انسداد منشیات ایکٹ نا رداٹ مقدمہ نوشتہ کرسا مستی جاست وپاست نا بناءِ کننگانے۔