متحدہ عرب امارات ،  والنٹری آنی نیمگ ءَ  پاکستانی  سیلاپ ءَ چہ آماچیں  مردم آنی واستہ  30 ہزار  فوڈ کٹس   ءَ ھوار   12 سد  ٹن  کمکی  پیکٹ  تیار

اسلام آباد۔11ستمبر  (اے پی پی):متحدہ عرب امارات  ءَ چہ  سدا والنٹری  بنی آدمی  مارشت  ءُ جوزگ  ءِ  درشان  ءَ کنان ءَ   ”وی سٹینڈ ٹوگیدر”  ءِ نہردگ ءِ گوما  یکجائی بوتگ  انت تانکہ  پاکستان ءَ سیلاپ ءَ چہ آماچیں  ھاندان  آناں سکیں ساھت ءَ کمک کنگ بوت بہ کنت۔  اے گامگیج ءِ چیر دستی ءَ  پاکستان ءَ سیلاپ ءَ چہ آماچٰیں ھاندان آنی واستہ   30  ہزار فوڈ کٹس   ءَ ھوار   12 سد  ٹن وردن،  جان سلامتی ءُ   ورددنی   سامان   ءَ ھوار  پیکیٹ   تیار کنگ بوتگ۔   متحدہ  عرب امارات    آماچیں مردم  آناں  ایمرجنسی  کمک  پجاری  کنوکیں  اولی لائن ءِ  ملک آنی   تہ ءَ  ھوار انت  ءُ  کمکی کٹس پاکستان َ را  زوتیں بنیات ءَ پجاری کنگ بنت۔   اماراتی ھال رسانکی ادارگ ءِ رپوٹ  ءِ رد ءَ توامیں امبر   ءُ  قوم  آنی کمیونٹی   والنٹری    کار کنوک  سرجمٰں ملک ءَ سئے ھند  آنی تہ ءَ  جم  بوھگ ءَ گندگ  بوھگ ءَ  انت ایشانی تہ ءَ ابوطہبی  نیشنل ایگزیبیشن  سینٹر ،  ایکسپو سٹی دبئی  ءُ  ایکسپو سینٹر شارجہ ھوار  انت ءُ  ایشاناں چار کلاک آنی  تہ ءَ  کمکی کٹس  پیک  کتگ۔  امارات ریڈ کریسنٹ ، دبئی کیئرز  ءُ   شارجہ چیریٹی انٹرنیشنل  ءَ متحدہ عرب  امارات   ءِ وزارت   برائے  کمیونٹی  ڈویلپمنٹ   ءُ وزارت  درئی کار  ءُ  میاں اوستمانی کمک ءِ گوما نزیکیں یکوئی  ءَ   ” وی اسٹینڈ ٹوگیدر”  گامگیج آنی بنگیج  کت۔