اسلام آباد۔11ستمبر (اے پی پی): مزن وزیر شہباز شریف ءَ برطانیہ ءِ کوئین ھدا مرزی الزبتھ دوم ءِ بیرانی ءِ پد ءَ پرس دارگ ءِ پیسلہ ءِ منظوری دات۔ باندات دو شمبے ءَ 12 ستمبر ءَ پاکستان ءَ پرس ءِ روچ برجم دارگ بیت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وزارت ءِ درئی کار ءَ مزن وزیر ءَ را کوئین الزبتھ ءِ بیرانی ءِ پد ءَ سرکاری تک ءَ پرس دارگ ءِ شو ر ءُ مشور داتگ ۔ مزن وزیر ءَ درئی کار ءِ وزارت ءِ شور ءُ مشور ءِ منظوری دات ءُ کابینہ ڈویژن ءَ را استیں انتظامی کنگ ءِ پنت ءُ شون کتگ۔
