امریکی محکمہ  درئی کار  ءِ  قونصلر ، امریکی حکوتم ءِ کارندہ    آنی  گوما  یکوئی   ءِ درشان ءِ واستہ پاکستان  ءِ  تر ءُ تاب

اسلام آباد۔11ستمبر  (اے پی پی):امریکی محکمہ  درئی کار  ءِ قونصلر   ڈیریک  چولیٹ  ءُ  محکمہ   درئی کار،  محکمہ دیمپانی، امریکی  ایجنسی برائے  میاں اوستمانی دیمروئی ءُ وائٹ  ہاوس  ءِ  راجی سلامتی  کونسل ل ءِ کلانہ ایں  امریکی  کارندہ  آنی یک ڈلے  7-9 ستمبر   ءَ  امریکہ  ءُ پاکستان ءِ نیام ءَ سفارتی  یکوئی آنی 75 سال  سرجم بوھگ ءِ پد ءَ  یات ءَ اسلام آباد ءُ  کر اچی ءِ تر ءُ تاب ءَ  کت  اے ساھت ءَ  ڈل ءَ دو نیمگی  شریکداری   ارزشت   آناں سہرا کنان ءَ  یکجائی سیم سر آنی  در جنگ ءِ واستہ  کلانہ ایں  سرکاری   کارندہ ،  سو ل  سوسائٹی  ءِ نماھند  ءُ جندی شوبگ ءِ سروک  آں گوں گند ءُ نند کت۔  اسلام آباد  ءَ امریکہ  سفارتخانہ ءِ نیمگ ءَ یک شمبے ءِ روچ ءَ  جاڑی بوتگیں   پریس  ریلیز  ءِ  تہ ءَ گوشگ  بوتگ کہ پاکستان ءَ نندگ ءِ  ساھت ءَ   قونصلر  چولیٹ  ءَ  تجارت  ءُ سرمایہ کاری ءِ  یکوئی آناں مھکم   جوڑکنگ ،  موسمی  مٹ  ءُ  بدلی  ءِ  رند  پد آناں  کمک کنگ ءِ واستہ  کمک،   دو نیمگی جان سلامتی  ءِ شریکداری   آناں  دیم ءَ   ودینگ ،  مئے  الس  ءَ  گوں   الس   ءِ  رابطہ  آناں   شاھیگانی دیگ   ءُ  امریکہ  ءِ  سرجمیں ملک ءَ   ھار   ءُ سیلاپ ءَ چہ بوھوکیں  ڈکال  ءَ گوں  گر ءُ چیل بوھگ ءِ  واستہ   پاکستانی الس آنی گوما  یکوئی  ءِ درشان کنان ءَ   جتا  جتائیں  کار آنی  ھوالگ ءَ   ھیال ریچی کت۔  قونصلر  چولیٹ  امریکی وزیر ءِ درئی کار انتھونی بلنکن ءِ کلانہ ایں  پالیشی  مشیر  ءِ رد ءَ کار کنگ ءَ انت۔  کونسلر  چولیٹ  ءَ گوشت کہ اے پاکستان ءِ یک  ٹوھیں  سوبمندیں    وھد ءُ پاس ءِ بوتگ   ءُ من  ءَ پاکستان ءُ امریکہ ءِ  دو نیمگی یکوئی  آنی  75 سالی  سالروچ   ءِ رد ءَ  مراگش  ءَ بھر زوری  ءَ  پھر انت۔  آواں گوشت کہ   امریکی حکومت  گیش برجم ،  محفوظ  ءُ  وشھالیں  آیوکیں باندات ءِ  دیمروئی ءِ واستہ   پاکستانی   ءُ امریکی  الس  آنی نیام ءَ تجارتی،  سلامتی،  وانگ   ءُ زانگی ، الس  ءَ گوں  الس   ءِ رابطہ  ءُ ساپیں   ھاٹیگ ءُ جان سلامتی  ءِ  ھوالگ ءَ   کمک آنی دیمروئی ءِ واستہ جزمیگ انت۔