حکومت  ایوک ءَ ملک ءَ سیلاپ ءَ چہ  بوھوکٰں  تاوان  آناں گر ءُ دار  کت نہ کنت،   سیر لاپیں مردم آناں  الس ءِ  کمک ءِ  واستہ دیم ءَ  جنزگ لو ٹ ائیت،  بنجاھی   وزیر  ھزانگ  مفتاح اساعیل

لاہور۔11ستمبر  (اے پی پی): بنجاھی وزیر ھزانگ  مفتاح اسماعیل ءَ گوشت کہ  حکومت ملک ءَ سیلاپ ءُ  توپانی  ھور  ءُ ھار  ءَ چہ بوھوکٰں  تاوان  آاں   ایوک ءَ گر ءُ  دار کت نہ کنت،  ھمے واستہ   سیر لاپیں    مردم  الس ءِ کمک ءِ وستہ  دیم ءَ   جنزگ لوٹ ائیت۔  اے ھیالانی درشانی  آئی ءَ  یک شمبے ءِ روچ ءَ گورنر  گس  لاہور ءَ   صنعتکار  ءُ تاجر  آنی ڈل  ءَ گوں گند ءُ نند ءِ ساھت ءَ کت۔  بنجاھی  وزیر  برائے اقتصادی   کار سردار  ایاز صادق    ھم اے  موہ ءِ سر  ءَ    آئی ءِ ھمبراہ ات۔  صل  ءَ جتاجر  ءُ صنعتکار   آنی تہ ءَ شہزاد  سلیم  ،  شاہد عبداللہ، عارف سعید، خالد آفریدی،فواد مختیار،فاروق نسیم، زبیر این چٹھہ، عرفان اقبال شیخ، عباس مختیار،میاں کاشف فاروق،مظفر پراچہ، مراد سہگل  ءُ  عنان  آفتاب  ھور اتنت۔  بنجاھی وزیر  ھزانگ ءَ گوشت کہ  تاجر  آنی یک کمیٹی  ءِ جوڑ کنگ  بیت  ایشی ءِ تہ ءَ لاہور  ءُ  فیصل   آباد ءِ تاجر    ھوار اتنت ءُ   آ کم  چہ کم   فلڈ  فنڈ   ءِ   واستہ  2 ارب کلدار  یکجا کناں۔  آءی ءَ گوشت کہ  ما  فلڈ  فنڈ   ءِ انٹر نل  ءُ  میاں  اوستمانی  آڈٹ   بکنائین ات، سیلاپ  ءِ  آماچیں  مردم آنی کمک ءِ  زر  یک  یک  کلدار  ھساب ءُ داد کنگ بہ بیت۔  حکومت  ایکسپورٹ انڈسٹری ءِ  سد درسد آسراتی  پجاری کنگ ءَ انت۔  بنجاھی وزیر  ءَ گوشت  کہ سیلاپ ءَ چہ آماچیں مردم آنی برجائی  ءُ تباہ بوھوکیں  سڑک  ، پل ، ریلوے ٹریکس  ءُ ایندگر انفراسٹرکچر  ءِ جوڑی   ءُ   مرمت   ءَ کنگ ءَ انت۔  اے رد ءَ  لس  مردم وتی  کمک ءَ    ھوار بکن انت۔