اسلام آباد۔11ستمبر (اے پی پی): مزن وزیر شہباز شریف ءَ متحدہ عرب امارات یو اے ای ءِ وزیر ءِ کلچر ، ورنا ءُ چاگردی دیمروئی شیخ نہیان بن مبارک آل نہیان ءَ را ٹیلی فون کنان ءَ سیلاپ ءَ چہ آماچیں مردم آنی واستہ وھیں مالی کمک ءِ پجاری ءِ شگر ءَ منت واری گپتگ۔ مزن وزیر ءَ شیخ نہیان بن مبارک آل نہیان ءَ را سیلاپ ءِ آماچیں مردم آنی واستہ 10 ملکین ڈالر دیگ ءِ جوزگ ءَ را توسیپ ءُ ستا پیش کتگ۔ یک شمبے ءِ روچ ءَ مزن وزیر کارگس ءِ ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ شیخ نہیان بن مبارک آل نہیان ءَ پاکستان ءَ سیلاپ ءِ آماچیں مردم آنی واستی ھمک مردمی تک ءَ انوگ ءَ تاں درستاں چہ مستریں کمک داتگ۔ آئی ءِ دست پچی ءُ مزن جگری ءَ را مدام یات کنگ بیت۔ مزن وزیر ءَ آئی ءِ شگر ءُ منت واری گپت۔
