اسلام آباد۔11ستمبر (اے پی پی): مزن وزیر محمد شہباز شریف ءَ یونائیٹڈ نیشن ءِ سیکرٹری جنرل انتو نیو گوتریس ءِ سیلاپ ءَ چہ آماچیں مردم آنی گوما یکوئی ءِ درشان ءِ پد ءَ شگر ءُ منت واری ءِ درشان ءَ کنان ءَ گوشتگ کہ آ سیلاپ ءَ چہ آماچیں مردم آنی گوانک جوڑ بوتگ۔ پاکستان ءَ ا ے جیڈھ ءِ گیواری ءِ ھاترا میاں اوستمانی کمک ءِ ضلورت انت۔ یک شمبے ءِ روچ ءَ وتی ٹویٹ ءَ آئی ءَ گوشتگ کہ سیکرٹری جنرل انتو نیو گوتریس ءِ سیلاپ ءَ چہ آماچیں مردم آنی گوما یکوئی کنگ ءِ پد ءَ شگر ءُ منت واری گپتگ۔ آئی ءِ دو روچی تر ءُ تاب بنی آدم ءِ ڈکال ءِ بابت ءَ سرجمیں دگنیا ءَ یک درور اِت۔ پاکستان ءَ را اے جیڈھ ءَ چہ در کنگ ءُ آسودگی ءِ واستہ میاں اوستمانی کمک ءِ ضلورت انت۔ آئی ء۔گ وشت کہ گرمی ءَ چہ سیلاپ ءِ آماچیں دمگ آنی تہ ءَ کمکی کیمپس آنی تر ءُ تاب ءِ ساھت ءَ یونائٰٹڈ نیشن ءِ سیکرٹری جنرل پاکستان ءَ سیلاپ ءِ تباہ کاری آناں گندگ ءَ چہ ابکہ بوتگ ۔ آ سیلاپ ءِ آماچیں مردم آنی گوانک جوڑ بوتگ۔ دگنیا ءَ را ایشی ءِ موسمی مٹ ءُ بدلی بیم ءُ ھوپ آنی ھوالگ ءَ تران آنی نیمگ ءَ دلگوشی دیگ لوٹ ائیت۔
