مزن وزیر   ءُ  وزیر ءِ درئی کار  ءِ ھمبراھی  ءَ یونائیٹڈ  نیشن ءِ سیکرٹری جنرل  ءِ  لاڑکانہ ءِ جتا جتائیں کمکی کیمپ  ءِ تر ءُ تاب،  آماچیں   مردم آنی جیڈھ   آناں گوشدات

اسلام آباد۔10ستمبر  (اے پی پی): مزن وزیر  شہباز شریف  ءُ وزیر  ءِ درئی کار بلاول بھٹو زرداری ءِ ھمبراھی ءَ  یونائیٹڈ نیشن  ءِ  سیکرٹری   جنرل  ءَ شمبے ءِ روچ ءَ   سندھ ءِ   ضلع  لاڑکانہ  ءِ جتا جتائیں کمکی کیمپ  آنی تر ءُ تاب کت۔ درئی کارانی کارگس  ءِ  نیمگ ءَ  جاڑی بوتگیں  بیان ءِ  رد ءَ  مزن وزیر  شہباز شریف  ءُ وزیر  ءِ درئی کار  بلاول  بھٹو  زرداری  ءِ  ھمبراہ ءَ  یونائیٹڈ   نیشن  ءِ سیکریٹری  جنرل انتونیو گوتریس   ءَ سیلاپ ءَ چہ آماچیں  مردم آنی  جیڈھ  آناں گوشدات   ءُ برجائی  ءَ دزگٹیں لیڈی ہیلتھ  ورکرز، نرسز  ءُ انتظامیہ  ءِ مردم آں گوں گند ءُ  نند ھم کت۔   مزن وزیر شہباز شریف  ، وزیر ءِ درئی کار  بلاول بھٹو زرداری  ءُ یونائیٹڈ  نیشن   ءِ سیکرٹری  جنرل    ءَ سیلاپ  ءَ چہ آماچیں دمگ  آنی  جہاز   ءِ سر ءَ  چار ءُ تپاسی گپت۔  اے   ءِ سر ءَ  سیلاپ ءَ چہ بوھوکیں  تباہی   آنی پد ءَ  سر وزیر سندھ  سید  مراد علی شاہ ءَ بریفنگ دات۔