اسلام آباد۔10ستمبر (اے پی پی): پاکستان ءُ متحدہ عرب امارات ءِ نیام ءَ جوڑیں بندی آدم دوستی ءِ بنیات ءَ کمک آنی رچ ءَ متحدہ عرب امارات ءَ چہ گیش دو بالیگ شمبے ءِ روچ ءَ جناح انٹر نیشنل ائیر پوٹ کراچی ءَ پج اتگ۔ ترجمان درئی کارانی کارگس ءِ نیمگ ءَ جاڑی بوتگیں بیان ءِ رد ءَ متحدہ عرب امارات ءِ ھواریں رنگ ءَ 31 بالیگ وردن ءُ وراک ، جان سلامتی سامان ءُ تمبو ءُ ایندگر سامان زوران ءَ پاکستان ءَ پج اتگ انت۔ حکومت ءِ پاکستان ءَ اے کمک آنی ھوالگ ءَ گوشتگ کہ متحدہ عرب امارات ءِ الس آناں اے سکیں جاور آنی تہ ءَ یک شل ءَ کمک ءِ پد ءَ آئی ءِ شگر ءُ منت وار آں۔
