اسلام آباد۔10ستمبر (اے پی پی): مزن وزیر شہباز شریف ءُ یونائیٹڈ نیشن ءِ سیکرٹری جنرل انتونیو گو تریش مرچی شمبے ءِ روچ ءَ سیلاپ ءِ آماچیں مردم آں گوں گند ءُ نند کت۔ تاوان ءُ جاڑیگیں کمکی کاروائی آنی سر ءَ چار ءُ تپاسی گرگ ءِ واستہ سندھ ءُ بلوچستان ءِ سیلاپ ءِ آماچیں دمگ آنی تر ءُ تاب ءَ کنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ استیں تر ءُ تاب ءِ ساھت ءَ بنجاھی کابینہ ءِ باسک ءُ یونائیٹڈ نیشن ءِ ڈل ھم آئی ءِ ھمبراہ بنت۔ تر ءُ تاب ءِ بندات سکھر ائیر پور ءِ سر ءَ سر وزیر سندھ ءِ سرجمیں بریفنگ ءَ گوں بیت ایشی ءَ چہ پد مزن وزیر ءُ سیکرٹری جنرل یونائیٹڈ نیشن ضلع جعفر آباد بلوچسان ءِ تحصیل اوستہ محمد ءَ سیلاپ ءَ چہ آماچیں مردم آں گوں گند ءُ نند کنت۔ ایشی ءَ ابید مزن وزیر ءُ سیکرٹری جنرل لاڑکانہ ءَ روت آھودا آ لاڑکانہ ءِ ھار ءِ آماچیں مردم آں گوں گند ءُ نند کت۔ تر ءُ تاب ءِ ساھت ءَ مزن وزیر شہباز شریف ءُ سیکرٹری جنرل سندھ ءُ بلوچستان ءِ سیلاپ ءِ آماچیں دمگ آنی جہاز ءِ سر ءَ چار ءُ تپاسی ءَ گپت۔
