صدر ڈاکٹر عارف علوی تون نجی موبائل کمپنی نا وائس پریذیڈنٹ لیوسونگ نا اوڑدہی، نوکاپ زدگان کن اسہ کروڑ روپئی نا چیک اس پیش کرے

اسلام آباد۔ 09 ستمبر (اے پی پی) صدر مملکت ڈاکٹر عارف علوی تون نجی موبائل کمپنی نا وائس پریذیڈنٹ لیوسونگ اوڑدہی کرے و نوکاپ زدگان نا امداد و بحالی کن اسہ کروڑ روپئی نا چیک اس پیش کرے۔ جمعہ نادے آ ایوان صدر نا پریس ونگ آن جاری بیان نا رداٹ اوڑدہی ٹی لیو سونگ صدر مملکت ءِ نوکاپ زدگان تا امداد و بحالی کن اسہ کروڑ روپئی نا چیک اس پیش کرے۔ صدر مملکت پارے کہ تباہ کن نوکاپی دیرک مچ آ ملک اٹی کروڑ آ مخلوق ءِ زہمی کرینو۔ سخی و کاروباری تپہ غاتے مرے کہ دا مشکل ساہت اٹی تینا ایلم تا است انا حب اٹ کمک ءِ کیر۔