اسلام آباد۔9ستمبر (اے پی پی):وزیر ءِ درئی کار بلاول بھٹو زرداری ءَ میاں اوستمانی برات آنی سر ءَ زور پر دات کہ ناشرکاری ءِآماچیں مردم آنی ھک آنی رکھینگ ءَ ایمنی ءُ سلامتی ءِ دیمروئی ءِ واستہ میاں اوستمانی کوشست آنی بنیاتی بھر انت۔ آدینگ ءِ روچ ءَ درئی کارانی کارگس ءِ رد ءَ اے ھیالانی درشانی آئی ءَ ناشرکاری ءِ آماچیں مردم آناں یونائیٹڈ نیشن ءَ اولی میاں اوستمانی کانگریس ءِ مز تکی سیگمنٹ ءِ ساھت ءَ وتی گشتانک ءَ کت۔ وزیر ءِ درئی کار ءَمیاں اوستمانی برات آں چہ لوٹ کت کہ آ کشاں چیل ءَ چہ آماچیں دمگ آنی تہءَ استیں جیڈھ آنی گیواری ءِ ساھت ءَ جیڈھ آنی بابت ءَ وتی لیکہ ءُ بن گپ آناں ڈالچار بکن انت۔ وزیر ءِ درئی کار ءَ دگنیا ءَ ناشرکاری ءِ آماچیں مردم آں گوں یکوئی ءِ درشان ءَ کنان ءَ بھارت ءِ ظلم ءُ زوراکی ءَ گوں آوار جتگیں کشمیر ءُ فلسطین ءِ کودکیں مردم آناں توسیپ ءُ ستا پیش کت۔
