اسلام آباد۔9ستمبر (اے پی پی):اقوام متحدہ ءِ سیکرٹری جنرل انتونیو گوتریس ءَ پاکستان ءَ سیلاپ ءِ سبب ءَ ٹوھیں کساس ءَ بوھوکیں تباہی ءِ سر ءَ جھلانکیں ڈکھ ءُ اپسوزی ءِ درشان ءَ کنان ءَ گوشت کہ پاکستان ءَ را ریلییف ءُ برجائی ءِ چست ءُ ایر آنی واستہ کمک ءِضلورت انت، پاکستان ءِ تر ءُ تاب ءِ مول ءُ مراد سیلاپ ءِ آماچیں مردم ءُ پاکستانی ا لس آنی گوما یکوئی ءِ درشان انت، پاکستان اے ملک آنی تہءَھوار انت ھما کہ موسمی مٹ ءُ بدلی ءِ جیڈھ آنی گوما دیم پہ دیم انت ، پاکستان موسمی مٹ ءُ بدلی ءِ رند پد آں چہ آماچ بوھگ ءَ انت۔ موسمی مٹ ءُ بدلی ءَ گوں گر ءُ چیل بوھگ ءِ واستہ دیمروئی کنوکیں ملک پاکستان ءِ کمک ءَ بکن انت۔ اے ھیالانی درشانی آئی ءَ آدینگ ءِض روچ ءَ ادا درئی کارانی کارگس ءَ وزیر ءِ درئی کار بلاول بھٹو زرداریءِ ھمبراھی ءَ یکجائی پریس کانفرنس ءَ گوں گشتانک دیان ءَ کت۔ یونائٹڈ نیسن ءِ سیکرٹری جنرل ءَ گوشت کہ پاکستان ءِ جتاجتائیں دمگ آنی تہءَ گیشیں ھور بوتگ، پاکستان ءِ الس آناں سکی آنی تہ ءَگندگ ءَ چہ سک باز اپسوزی بوتگ۔ انتونیو گوتریس ءَ گوشت کہ یونائیٹڈ نیشن پاکستان ءَ را اے سکیں ساھتءَ ھمک رنگیں کمک پجاری کنت، پاکستنا ء، اوگان لڈ ءُ بار کنوکیں مردم آنی میزبانی ءَ را توسیپ ءُ ستا پیش کناں، مزن وزیر شہباز شریف ءُ ایندگر کارندہ آنی گوما سیلاپ ءِ جاور ھال آنی بابت ءَ گند ءُ نند بوتگ۔ آئی ءَ گوشتکہ آئی ءِ پاکستان ءِ گوما جھلانکیں دوستی ءُ مھر است۔ موسمی مٹ ءُ بدلی ءَ پاکستان ءِ زمہ واری ءَ پاکستان ءِ کمو دست مان انت بلے ایش ھما ملک آنی تہءَ ھوار انت کہ ایشی ءِ آسر آنی درستاں چہ گیش آماچ بوھگ ءَ انت۔ یونائیٹڈ نیشن ءِ سیکرٹری جنرل ءَ گوشتگ کہ موسمی مٹ ءُ بدلی آیوکیں باندات ناں انوں مرچی ءِواستہ ھوپ ءُ ترس ات، ایشرا گوں دلجمی ءُ پکوئی ءِ گوما چار ءُ بچار کنگ لوٹ ائیت، مردم ڈکالءُ سیلاپ ءِسبب ءَ بیران بوھگ ءَ انت۔ زہر والا ائیں گیس آنی یلو بوھگ ءَ گیشی بوھگ ءَانت۔ انتونیو گوتریس ء۔گوشت کہ پاکستان موسمی مٹ ءُ بدلی ءِ رند پد ءَ چہ آماچ بوھگ ءَ انت، پاکستان اے ملک آنی تہءَ ھوار انت ھما کہ گوں موسم ءِ مٹ بوھگ ءِ رند پد آں گوں دیم پہ دیم انت۔ آئی ءَگوشت کہ مزن وزیر شہباز شریف ءُایندگر کارندہ آں گوں گند ءُ نند بوتگ۔ آئی ءَ گوشت کہ پاکستان ءَ فلڈ ریسپانس پلان ءِفنڈنگ ءِ واستہ یونائیٹڈ نیشن ءَ بنداتیردءَ 160 ملین ڈالر ءِ فلیش اپیل کتگ ایش سیلاپ ءِ آماچیں مردم آنی واستہ کموک اَنت۔ پاکستان ءِ تر ءُ تاب ءِ مول ءُ مراد میاں اوستمانی برات آناں پاکستان ءِ واستہ کمک ءِاپیل انت۔ موسمی مٹ ءُ بدلی رند پد آں گوں گر ءُ چیل بوھگ ءِ واستہ دیمرئوی کنوکیں ملک آناں کمک کنگ لوٹئیت۔ یونائیٹڈ نیشن ءِ سیکرٹری جنرل ءَ گوشت کہ پاکستان ءَ را ریلیف ءُ برجائی چست ءُ ایر آنی واستہ کمک ءِ ضلورت انت۔ وزیر ءِ درئی کار بلاول بھٹو زرداری ءَ یکجائی پریس کانفرنس ءَ گوں گشتانک دیانءَ گوشت کہ سیلاپ ءِ آماچیں مردم آنی واستہ ریلیف ءِ واستہ ھمک رنگیں گامگیج کنگ بوھگءَ انت۔ سیلاپ ءِآماچیں مردم آنی برجائی ءِ واستہ یونائیٹڈ نیشن ءُ میاں اوستمانی برات آناں کمک پکار انت۔ وزیر ءِ درئی کار ءَ گوشت کہ ل یونائیٹڈ نیشن ءِ سیکرٹری جنرل ءِ پاکستان ءِ تر ءُ تاب مئے واستہ لائکءِ توسیپءُ شرپ انت۔ پاکستان ءَ را سیلاپ ءِ سبب ءَ ٹوھیں کساس ءَ ڈکال ءِگوما دیم پہ دیمی انت۔ سیلاپ ءِسبب ءَ 3 کروڑ 30 لکھ مردم آماچ بوھگ ءَ انت، سیلاپ ءَ گلگت بلتستان ، خیبر پختونخوا، زرباری پنجاپ، بلوچستان ءُ سندھ ءَ باز تباہی بوتگ۔ آئی ءَ گوشتکہ اے سکیں ساھت ءَ انتونیو گوتریس ءِ پاکستان ءِ تر ءُ تاب ءِ پد ءَ شگر ءُ منتواری آں، سیلاپ ءِ سبب ءَ زھگ ءُ زالبول آں ھوار 1300 مردم بیران بوتگ انت، سیلاپ ءِ آماچیں دمگ آنی تہءَ ھوپ ءُ نادُراھی ٹوھیں جیڈھ انت۔ بلاول بھٹو زرداری ءَگوشتکہ پاکستان ءَ سیلاپ ءِ سبب ءَ ٹوھیں کساس ءَ تباہی ءُ ڈکال ءِ گوما دیم پہ دیمیانت۔ ریسکیو ورکرز 24 کلاک آنی تہءَکار کنگءَانت۔ یونائیٹڈ نیشن ءِ سیکرٹری جنرل انتونیو گوتریس ھور ءُ ھار ءَ چہ آماچیں پاکستان ءَ گوما یکوئی ءِ درشان ءِ واستہ پاکستان ءِ دو روچی تر ءُ تاب ءَ کنگ ءَ انت۔ اے تر ءُ تاب ءِ مول ءُمراد سرجمیں ملکءَ ھور ءُ ھار ءُ سیلاپ ءِ سبب ءَ بوھوکیں تباہی ءُ کدرتی آپت آنی مقابلہ ءَ کنوکیں پاکستان ءِ حکومت ءُ الس آنی گوما یکوئی درشان کنگ انت۔ یونائیٹڈ نیشن ءِ سیکرٹری جنرل ءِ پاکستان ءِ تر ءُ تاب اے سیلاپ ءِ نتیجگ ءَ بوھوکیں جانی تاوان ءُ ٹوھیں کساس ءَ بوھوکیں تباہی آنی بابت ءَ میاں اوستمانی دگنیا گیش سئیگ ءُ سرپد بنت ءُ سیلاپ ءِآماچیں مردم آناں ضلورت آنی پیلو کنگ ءَ کمکارسہرا بنت۔ اے موہءِ سر ءَیونائیٹڈ نیشن ءِ کلانہ ایں کارندہ وزیر ءِ مملکت برائے درئی کار حنا ربانی کھر، سیکرٹری درئیکار سہیل محمود ءُ ترجمان درائی کارانی کارگس عاصم افتخار احمد ھم ساڑی ات۔
