اسلام آباد۔8ستمبر (اے پی پی):پاک فوج ءِ سروک جنرل قمر جاوید باجوہ ءَ گوں سعودی دیمپانی وزارت ءِ ٹرانسفارمیشن مینجمنٹ کارگس ءِ سی ای او ڈاکٹر سمیر بن عبدالعزیز الطبیب ءَ گندء ُنندکتگ کہ آئی ءِ تہا دمگی امنء ُایمنی ء ُ سیکیورٹی کمک ءِ سرءَ گپء ُتران بوتگ، ڈاکٹر سمیر ءَ ہارءَ چہ بوتگیں جانی ء ُ مالی نقصان ءِ سرءَ اپسوز ءِ درشانی کتگ۔ آئی ایس پی آر ءِ ردءَ گندء ُنندءِ تہا آرمی چیف ءَ گشتگ کہ پاکستان سعودی عرب ءَ چہ وتی راج دپتری ء ُ براتیں سیادی ءَ را باز ارزشت دنت، سعودی عرب ءِ اسلامی دنیاءَ یک حاسیں ارزشتے اَست اِنت۔ گندءُنندءَ دمگی سکیورٹی ء ُ امن ء ُ ایمنی ءِ محکمی ءِ پڑءِ سرءَ دلگوشی کنگ بوتگ، اے موہ ءَ آرمی چیف جنرل قمر جاوید باجوہ ءَ گشتگ کہ پاکستان سعودی عرب ءَ گوں وتی راج دپتری ءُ براتیں سیادی ء َ را باز ارزشت دنت۔ ڈاکٹر سمیر ءَ پاکستان ءِ گوما دیمپانی ء ُ سکیورٹی ءِ پڑآں کمک ءَ را گیش کنگءِ وائشت ءِ درشانی کتگ، آرمی چیف ءَ دوئیں براتیں ملک آنی سیادی ءَ را گیش محکم کنگءِ ھاترءَ ڈاکٹر سمیر ءِ کوشستاناں ساڑاتگ۔
