اسلام آباد۔8ستمبر (اے پی پی): مزن وزیر محمد شہباز شریف ءَ گشتگ کہ امریکہ ءِ نیمگ ءَ کمک کنگ، یکوئی ء ُ ہارءِ آماچیں مردمانی کمک باز حاس اِنت، پاکستان ءَ دونیمگی سیکیورٹی ، جانء ُ سلامتی، موسمیاتی مٹء ُبدلی، بیپاری ء ُ زرکاری ءِ پڑ آں پاک امریکا سیادی ءَ را گیش محکم کنگءِ جزم ءِ درشانی کتگ۔ اے ھیالانی درشانی آئی ءَ امریکی دری کارانی وزیر ءِ سینئر پالیسی صلہ کار ڈیرک چولیٹ ءَ گوں گپء ُ تران کنان ءَ کتگ کہ آیاں کہ پنچ شمبے ءِ روچءَ یکے دومی ءِ گوما گندء ُنندکتگ۔ گندء ُ نندءَ ڈیرک چولیٹ ءَ پاکستان ءَ انوگیں ہورء ُ ہارانی نتیجگ ءَ بوتگیں بیرانیانی سرءَ پاکستانی حکومت ء ُ اُلسءِ گوما دلپدردی ءِ درشانی ک تگ۔ مزن وزیر ءَ ڈیرک چولیٹ ءِ اے گرانیں ساہت ءَ وہدے کہ پاکستان راج دپترءِ درستاں چہ مستریں ہارءِ دیمپانی ءَ کنگءَ اِنت، ترء ُتاب کنگ ءَ شکرء ُ منت گپتگ۔ مزن وزیرءَ اے موہ ءَ سرپد کتگ کہ 3 کروڑ 30 لکھ ء َ چہ گیش پاکستانی اے اپت ءَ چہ آماچ بوتگ اَنت وہدے کہ 1,300 ءَ چہ گیش مردم بیران بوتگ اَنت۔ ایشی ءَ ہوار کشتء ُکشاری، مالء ُ دلوت ، مال مڈی ء ُ حاسیں انفراسٹرکچرءَ را نقصان رستگ۔ مزن وزیر ءَ گشتگ کہ اقوام متحدہ ءِ سلامتی کونسل ءِ تپاک نامہ ء ُ کشمیری اُلس ءِ وائشتانی ردءَ جموں ء ُ کشمیر ءِ دیریگیں جیڑہ ءِ گیش ء ُ گیواری باز المی اِنت۔ بائیڈن انتظامیہ انتظامیہ ءِ نیمگءَ چہ ڈیرک چولیٹ ءَ کلوہ داتگ ء ُ گشتگ کہ امریکہ انوگیں ہارءَ چہ ودی بوتگیں چیلنج آنی ردءَ پاکستان ءِ گوما ہم کوپگ بیت، حاسیں کمک دنتء ُ آماچیں مردمانی زنداناں آبات کنگ ء ُ آماچیں کمیونیٹی آناں آبات کنگ ءَ کمک کنت۔
