صدر  ڈاکٹر عارف علوی  ءَ گوریچانی وزیرستان ءَ شہید بوھوکیں پاک  فوج ءِ باسک  آنی   سیاد ءُ وارس آنی گوما دلپدری  ءِ درشان 

اسلام آباد۔8ستمبر  (اے پی پی):صدر مملکت ڈاکٹر عارف علوی  ءَ گوریچانی  وزیرستان ءَ 5 ستمبر ءَ انٹیلی جنس  آپریشن   ءِ ساھت ءَ  شہید  بوھوکیں  پاک فوج ءِ  باسک  آنی  سیاد ءُ وارس  آنی گوما دلپدری  ءِ درشان   ءَ کنان ءَ  راج  ءِ  ھاترا  جان قربان کنگ   ءِ پد ءَ  آئی ءَ را  توسیپ ءُ ستا  پیش  کتگ۔   پنچ شمبے ءِ  روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں  بیان ءِ رد ءَ صدر مملکت    ءَ  گوریچانی  وزیرستان ءَ  5 ستمبر ءَ  انٹیلی  جنس   آپریشن   ءِ ساھت  ءَ پاک  فوج  ءِ شہید  آنی  سیاد ءُ وارس   آنی  گوما  دلپدری  ءِ درشان ءُ   شہد آنی ازمت   ءُ  راج ءِ ھاترا  جان  آنی قربانی ءَ را   توسیپ ءُ ستا پیش کت۔   صدر مملکت   ءَ کیپٹن عبدالولی  ءُ نائب  صوبیداسر  محمد  نواز   ءِ     گس  ءِ مردم آں گوں  ٹیلی فون ءِ سر ءَ  یکوئی ءِ درشان کت۔  آئی ءَ ل ٹیلی فون  ءِ سر ءَ   حوالدار  غلام  علی، لانس  نائیک محمد الیاس  ءُ  لانس  نائیک  ظفر    اللہ  ءِ   سیاد  آنی گوما  گپ ءُ تران کت۔  صدر ءِ مملکت ءَ  وتی    دوست آنی قربانی  آنی  پد ءَ  شہید آنی   سیاد ءُ وارس  آناں  راج  ءِ نیمگ ءَ شگر ءُ منت واری  گپت۔  صدر  مملکت ءَ شہید  آنی  واستہ  برز ءُ بلندیں  درجگ   آنی  واستہ دعا ءِ نیک  کت ءُ  گس ءِ مردم   آں گوں  یکوئی ءِ درشان کت۔