اسلام آباد۔8ستمبر (اے پی پی): مزن وزیر شہباز شریف ءَ متحدہ عرب امارات ءِ وزیر شیخ نہیان بن مبارک آل نہیان ءِ نیمگ ءَ مالی کمک ءِ جار ءَ را وش اتک کنان ءَ گوشت کہ اے پاکستان ءِ الس ءَ چہ بے کساس محبت ءُ بنی آدم دوستی ءِ واستہ درد مندی ءِ درور انت۔ پاکستان ءِ حکومت ءُ الس اے گپ ءَ را اچبر بے ھیال نہ کن اَنت۔ ایشی ءَچہ پیسر عرب امارات یو اے ای ءِ وزیر برائے دود ءُ ربیدگ، ورنا ءُ چاگردی دیمروئی شیخ نہیان بن مبارک آل نہیان ءَ پاکستان ءِ سیلاپ ءَ چہ آماچیں مردم آنی واستہ 10 ملین ڈالر مالی کمک ءِ جار جتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ سیلاپ ءِ آماچیں مردم آنی واستہ ھمک مردی تک ءَ دیگ بوھوکیں شیخ نہیان بن مبارک آل نہیان ءِ نیمگ ءَ دیوکیں ایش انوگیں درستاں چہ مستریں ٹیکی انت۔ مزن وزیر شہباز شریف ءَ آماچیں مردم آناں گوں پچیں دل ءَ کمک ءِ پد ءَ شیخ نہیان بن مبارک آل نہیان ءَ گوں دلوشی ءِ درشان ءَ کنان ءَ گوشت کہ ایش آئی ءِ پاکستانی الس آں چہ بے کاسس مھر ءُ واھگ ءُ بنی آدم دوستی ءِ واستہ درور انت۔ پاکستان ءِ حکومت ءُ الس آوانی دوستی ءُ مھر آناں اچبر بے ھیال کت نہ کنت۔ ایشی ءَ چہ سیلاپ ءِ آماچیں مردم آنی ریسکیو ، ریلیف ءُ برجائی ءَ ٹوھیں کمک ءِ رست ائیت۔ پاکستانی الس ءَ گوں شمے مھر ءُ محبت دوئیں ملک آنی براتی ءُ یکوئی آنی یک جوانیں در اِت۔
