اسلام آباد۔8ستمبر (اے پی پی):لاہور ءَ پوسٹیں چین ءِ قونصل جنرل چاؤشی رین ءَ گوشتگ کہ چین پاکستان اقتصادی راہداری سی پیک گیش ترندی ءَ گوں گام گام ءَ دیمروئی کنت انت، پاکستان ءَ استیں سیلاپ ءِ سبب ءَ ھرچی جاور ھال پیداک بوھگ ءَ انت اے ترندیں ءُ سکیں وھد ءَ پاکستان مارا پشت ءَ ناں بلکینگ ءَ درستاں چہ دیمتر شوہاز کنت۔ اے ھیالانی درشانی ءآئی ءَ انسٹی ٹیوٹ آف انٹرنیشنل ریلیشنز اینڈ میڈیا ریسرچ ءِ چیر دستی ءَ پاک چین ءِ یکوئی ءِ 71 ھپتاد ءُ یکمی سالروچ ءِ رد ءَ برجم بوھوکیں دیوان ءَ گوں گشتانک دیان ءَ کت۔ آئی ءَ گوشت کہ دوئیں ملک آنی لیڈر شپ پاکستنا ءُ چین ءِ نیام ءَ دوستی ءِ دیمروئی دیگ ءَ انت ایش وش گپ ات۔ اے موہ ءِ سر ءَ انسٹی ل ٹیوٹ آف انٹرنیشنل ریلیشنز اینڈ میڈیا ریسرچ ءِ چیئرمین محمد مہدی ءَ گوشتگ کہ استیں سیلاپ ءَ چہ چین ءِ صدر ءَ درستاں چہ گیش اے سکیں ساھت ءَ پاکستان ءِ گوما ھمگامی ءَ اوشتاتگ۔ آئی ءَ را اے گپ ءِ گوشگ ءِ ضلورت نہ انت اے گپ وت سہرا انت۔ گوستگیں وھد ءُ باریگ ءَ ھم چین ء ھمک سکیں ساھتءَ پاکستان ءِ گوما ھمبراہ داری کتگ۔ ایشی ءِ پدءَ پاکستانی الس ءَ را پھر انت۔ پنجاپ یونیورسٹی ءِ پاکستان اسٹڈی سینٹر سنٹر ءِ ایسوسی ایٹ پروفیسر امجد مگسی ءَ گوشت کہ چین پاکستان ءَ وانگ ءُ زانگی شوبگ ءَ اسکالر شپس دیگ ءَ انت ، شو ر ءُ مشور انت کہ اے سکالرشپس آناں دیمروئی ءَ پشت ءَ پشت کپتگیں دمگ آنی تہءَ ودینگ بیت بلکینگ ءَ ایشانی کساس ءِ تہ ءَ ھم جوانیں گیشی آرگ بیت۔ انسٹی ٹیوٹ آف انٹرنیشنل ریلیشنز اینڈ میڈیا ریسرچ ءِ صر یاسر حبیب خان ءَ گوشت کہ چین پاکستان ا قتصادی راہدری ءِ ھوالگ ءَ یک نوکیں چارٹر ءِ ضلورت انت ایشی ءِ وسیلگ ءَ ھمک رنگیں سیاست ءَ چہ ساپ ءُ سلہ ائی بہ بیت۔ ارچ کسی حکومت بہ ائیت چین پاکستان اقتصادی راہداری ءِ منصوبگ آنی سر ءَ رند پد نکش مہ بنت۔ رینمن یونیورسٹی ءِ چانگ یانگ انسٹی ٹیوٹ ءِ پروفیسر چورونگ ءَ گوشت کہ چین ءَ ھم سیلاپ اتکگ بلے چین ءَ اے ھوالگ ءَ نوکیں ٹیکنالوجی ءِ بنیات ءَ جانی ءُ مالی تاوان آناں کم ءَ چہ کم کتگ، پاکستان ءَ را ھم اے گامگیج آنی تہءَ سیت چست کنگ لوٹ ائیت ءُ چین ھم اے ھوالگ ءَ پاکستان ءِ کمک ءَ کنگ ءِ واستہ تیار انت۔ لاہور اوورسیز چائنیز ایسوسی ایشن ءِ صدر لوجیانگ شیو ءَ گوشت کہ چین اے سکیں ساھت ءَ پاکستان ءِ کمک ءِ واستہ تیار انت ، چین ءِ نیمگ ءَ سیلاپ ءِ سبب ءَ سکیں ساھت ءَ پاکستانی آنی کمک ءَ اچ کمکی آیگ ءَ موہ دیگ نہ بیت۔
