اکنامسٹ آنی رد ءَ عمران خان ءَ آئی ایم ایف ءَ گوں پروگرام ءِ منظوری ءَ  را دارگ  ءِ کوشست  کتگ، مزن وزیر محمد شہباز شریف

اسلام آباد۔8ستمبر  (اے پی پی): مزن وزیر محمد شہباز شریف ءَگشتگ کہ میاں اوستمانی تک  باز نامداریں  تاک اکنامسٹ ءَ شنگ بوتگیں دوحالاں عمران نیازی ءِ حلاپ ءَ  گشتگ کہ آ پاکستان ءَ را نیزور کنگ لو ٹ ایت۔ پنچ شمبے ءِ روچءَ وتی ٹویٹ ءِ تہا آئی ءَ   گشتگ کہ تاک ءَ وتی  انوگیں تاک ءِ تہا نبشتہ کتگ کہ  عمران  نیازی ءَ آئی ایم ایف ءَ گوں  پروگرام ءِ  منظوری ءَ را دارگ ءِ کوشست کتگ ء ُ انوگیں ہار ءِ  آپت ءَ را سیاسی پوائنٹ سکورنگ کنگءِ ھاترءَ کارمرز کنگ ءَ اِنت۔ آئی ءَ  گشتگ کہ نیازی پاکستان ءَ را نیزور کنگ ءِ  کوشست کنگ ءَ اِنت۔