اسلام آباد۔7ستمبر (اے پی پی): مزن وزیر محمد شہباز شریف ءَ گران قیمتی رستگیں ٹیکی آناں وت کارمرز کنگ ءِ مٹ ءَ توشہ خان ءَ جم کنائینگ ءِ یک جتائیں رپک ءُ درورے برجا کنان ءَ پنت ءُ شون کتگ کہ اے ٹیکی آناں آیوکیں باندات ءَ مزن وزیر کارگس ءَ ایر کنگ بہ بنت تانکہ الس دوستیں ملک آنی پاکستان ءَ گوں واھگ ءُ دوستی …
مزن وزیر شہباز شریف ءَ گران بھائیں در ملکی ٹیکی توشہ خانہ ءَ جم کنائینگ ءِ یک جتائیں رپک ءُ درورے نکش کت، در ملکی ٹیکی آناں الس آناں پیش دارگ ءِ بندوبست کنگ بہ بیت ءُ اے آیوکیں باندت ءَ مزن وزیر کارگس ءَ ایر کنگ بہ بنت، مزن وزیر ءِ پنت ءُ شون
گیشتریں ھال
اسلام آباد۔7ستمبر (اے پی پی): مزن وزیر محمد شہباز شریف ءَ گران قیمتی رستگیں ٹیکی آناں وت کارمرز کنگ ءِ مٹ ءَ توشہ خان ءَ جم کنائینگ ءِ یک جتائیں رپک ءُ درورے برجا کنان ءَ پنت ءُ شون کتگ کہ اے ٹیکی آناں آیوکیں باندات ءَ مزن وزیر کارگس ءَ ایر کنگ بہ بنت تانکہ الس دوستیں ملک آنی پاکستان ءَ گوں واھگ ءُ دوستی ءَ شر سرپد بہ بنت۔ اے مول ءُ مراد ءِ در جنگ ءِ واستہ مزن وزیر کارگس ءَ جاہ ءِ گیشینگ بہ بیت۔ سرکاری ھال رسانکی در آنی رد ءَ مزن وزیر شہباز شریف ءَ پاکستان ءِ تاریخ ءَ یک جتائیں درور اِت ءُ مزن وزیر کارگس ءَ یک نوکیں رپک ءِ جوڑ کتگ ءُ پنت ءُ شون کتگ کہ مزن وزیر ءَ را رسوکیں در ملکی ٹیکی مدامیگیں واستہ مزن وزیر کارگس ءَ ایر کنگ بہ بنت۔ اے ٹیکی خلیجی ملک آنی تر ءُ تاب ءِ ساھت ءَ مزن وزیر ءَ را رستگ انت۔ ٹیکی آنی تہءَ دو گڑیال ھم ھوار انت۔یک گڑیالءِ کساس 10 کروڑ ءُ دومی گڑیال ءِ نیاد کساس 17 کروڑ گوشگ بوتگ۔ سرکاری ھال رسانک آنی رد ءَ خلیجی ریاست آنی نیمگ ءَ مزن وزیر شہباز شریف ءَ را پیسریگیں مزن وزیر عمران خان ءِ مقابلہ ءَ گیش گران بھائیں ٹیکی دیگ دیگ بوتگ پدا ھم مزن وزیر ءَ گڑیال ، گران بھائیں قلم، مُندریک، کف بٹن ءُ وشبو ءُ توامیں گران بھائیں ٹیکی توشہ خانہ ءَ جم کنائینتگ اَنت۔ ھال رسانکی در ءِ رد ءَ شہباز شریف بطور سر وزیر پنجاپ وتی دھ سالی دور ءُ باریگ ءَ رستگیں توامیں در ملکی رستگیں ٹیکی آناں جم کتگ اَنت۔
