پاکستان  ءَ مدام  آرمی  چیف  ءِ  پوسٹنگ  میرٹ  ءِ  سر ءَ  بوتگ،  عمران خان  بہ گوشیت کہ پاکستان آرمی  ءَ   کدئی  میرٹ ءِ سر ءَ   پوسٹنگ  نہ بوتگ اَنت ؟  وزیر  ءِ دیمپانی  خواجہ  محمد  آصف  ءِ پریس کانفرنس

اسلام آباد۔7ستمبر  (اے پی پی):وزیر  ءِ دیمپانی  خواجہ محمد آصف  ءَ گوشت کہ پاکستان  ءَ مدام  آرمی چیف ءِ  پوسٹنگ میرٹ  ءِ سر ءَ  بوتگ،  عمران خان  بہ گوشیت کہ  پاکسرتان  آرمی    ءَ کدئی  میرٹ ءِسر ءَ پوسٹنگ نہ  بوتگ ؟  فوج ءِ  سروک  ءِ نیمگ ءَ  کلانہ ایں  اپسرگ   آنی  تہ ءَ چار  یا  پنچ نام  دیم ءَ  کئیت انت،   اے اپسرگ آنی  تہ ءَ  مزن  وزیر وتی شور ءُ مشور ءَ چہ آرمی چیف،  نیول  چیف  یا ائیر چیف  پوسٹنگ کنت۔   مرچی وھدیکہ  سروکی ءِ سیٹ  شتگ  گڈا  عمران  خان  پاکستان ءِ ارد  ءِ  سر ءَ  ارش کنگ ءَ انت ءُ  پا زانت ءُ کسداََ  آیوکیں  اردی سروک  ءِ  ھوالگ ءَ  شک ءُ پک پیداک کنگ ءَ انت،  ملک ءَ استیں ادارگ   آئیءِکرپشن  ءِ پٹ ءُ پول ءَکنگ ءَانت  ءُ فارن  فنڈنگ  ءَ ھوار ایندگر  کیسز  آنی پٹ  ءُ پول  بازیں کساس ءَ گیش  بوتگ، اے توامیں  چیز  دیم  ءَ کاینتءُ گیش  دیر نہ لگ ائیت کہ اے درستیں چیز آنی  ھساب گرگ بیت۔  آئی ءَ را  ما ھما وھد ءَ دزگیر کناں کہ پکائیں  ثبوت   ءُ مھکمیں شاہدی دست  بہ کپ ائیت۔  توشہ خانہ ءِ  ھوالگ ءَ پٹ ءُ پول   کت  سپارش روان داتگ، 180  ملین  پاونڈ  ءِ جیڈھ ءِ  سر ءَ  انکوائری  سرجم  کتگ، نیب ءِ  اے نوٹس  ھم  زرتگ۔  آ چار شمبے ءِ روچ ءَ  بنجاھی وزیر ھزانگ  مفتاح اسماعیلءِ ھمبراھی ءَ پی آئی ڈی  ءَ  پریس  کانفرنس  ءَ گوں گشتانک دیگ ءَ ات۔ وزیر ءِ دیمپانی  خواجہ محمد آصف  ءَگوشت کہ گوستیں روچ ءَ عمران خان ءَ آرمی چیف ءِ  پوسٹنگ  ءِ ھوالگ ءَ نہ وشیں  بیان  بازی  کتگ  ءُ پدا وتی  بیان ءِ   گیش ءُ  گیوار   ءُ پھمینگ ءِ  کوشست کتگ۔  زیک آنی  وتی  گپ آنی   یک نوکیں  بزانت ءُ   دانک   آنی نیمگءَ  برگ ءِ کوشست کتگ۔