کوئٹہ۔7ستمبر (اے پی پی):چیئرمین سینیٹ محمد صادق سنجرانی ءَ گوشت کہ استیں سیلاپ ل ءَ چہ بلوچستان ءُ سندھ ءَ ٹوھیں کساس ءَ انفراسٹرکچر تباہ بوتگ ایشی ءِ برجائی ءَ وھد لگ ائیت، بنجاھی ءُ صوبائی حکومت پاک فوج ءُ گیر سرکاری ادارگ آماچیں مردم آنی کمک ءُ برجائی ءِ واستہ جوانیں گامگیج کنگ ءَ انت۔ اے ھیالانی درشانی آئی ءَ چار شمبے ءَ سندھ ءُ بلوچستان ءِ سیلاپ ءَ چہ آماچیں دمگ آنی تر ءُ تاب ءِ موہ ءَ ڈیرہ مراد جمالی ءَ میڈیا ءِ سروک آں گوں تران کنان ءَ کت۔ اے موہ ءِ سر ءَ سینیٹر مشاہد حسین سید ، سینٹر نصیب اللہ بازئی ، بی اے پی بلوچستان ءِ سروک بابو یار محمد لہڑی ءُ ڈویژنءُ ضلعی انتظامیہ ءِ اپسرگ ھم ساڑی اتنت۔
