اسلام آباد۔7ستمبر (اے پی پی): حزانگءِ بنجاہی وزیر مفتاح اسماعیل ءَ گشتگ کہ انوگیں حکومت ءَ معیشت ءَ را محکم کنگ ءِ ھاترءَ گرانیں فیصلہ کتگ، پیسرگیں حکومت ءَ ٹرانسمیشن ءُڈسٹری بیوشن نیٹ ورک ءِ سرءَ کار بکوتیں مرچی بجلی ءِ نیادانی تہا گیشی نابوتگ، آیوکیں ماہ آں ملک ءَ گران بہاہی ءِ تہا کمی کئیت۔ چارشمبے ءِ روچءَ یک مراگشے ءَ گوں تران کتگء ُ حزانگءِ وزیر مفتاح اسماعیل ءَ گشتگ کہ اپریل ءَ مئے گورءَ ڈیڈ ماہ ء ُنیم درآمدات ءِھاترءَ زرمبادلہ ءِ امبار بوتگ، مالیاتی ادارگ ہما ملک آناں وام دیاں کہ آیانی گورءَ کم چہ کم سئے ماہانی زرمبادلہ ءِ امبار بہ بنت۔ انوگیں حکومت ءَ معیشت ءَ ر ا محکم کنگ ءِ ھاترءَ گرانیں فیصلہ کتگ۔ حزانگ ءِ وزیرءَ گشتگ کہ وہدے کہ 4 درسد گروتھ بوتگ کہ ایشی ءَ چہ حسابانی کھاتہ آنی نقصان گیش بیت۔ آئی ءَ گشتگ کہ معیشت ءِجاورھال ءِ ردءَ حکومت ءَ بازیں سامانی سرءَ بندش جتگ، ما بے المی نیوگ، وراک ء ُ لگژری گاڑیانی درآمد کنگ ءِ سرءَ بندش جتگ۔ آئی ءَ گشتگ کہ پیسرگیں حکومتءَ بجلی ءِ بہرء ُ بانگی نظام ءِ سرءَ دلگوشی ناکتگ۔ مزن وزیر محمد شہباز شریف ءَ 200 ءَ بہ گر تاں 300 یونٹ بجلی کارمرز کنوکاناں سبسڈی داتگ ، اے ہوالگءَ آئی ایم ایف ءَ گوں گپ کتگ۔ حزانگءِ وزیر ءَ گشتگ کہ اگاں پیسرگیں حکومت ءَ ٹرانسمیشن ءُڈسٹری بیوشن نیٹ ورک ءِ سرءَ کار بکوتیں گڑامرچی بجلی ءِ نیاد گیش نابوتاں۔
