کوئٹہ۔7ستمبر (اے پی پی):کوئٹہ ءِ دمگ میکانگی روڈ ءِ سر ءَ دستی بمب ارش ءَ چہ پولیس کارندہ، زالبولءُ زھگ ءَ ھوار ھپت مردم ٹپیگ بوتگ انت۔ پولیس ءِ رد ءَ واکیہ ھدائیداد چوک ءِ نزیک ءَ میکانگی روڈ ءَ بوتگ۔ ادا یک ناشُناسیں مردمے ءَ یک بیکری ءِ کرا دستی بمب ءِ دور داتگ ءُ تتکگ ، تراک ءَ چہ ھپت مردم ٹپیگ بوتگ انت۔ ایشاناں طبی جان سلامتی کمک پجاری ءِ واستہ سول ہسپتال ءَ روان دیگ بوتگ۔ پولیس ءِ رد ءَٹپیگ آناں پولیس کارندہ، زالبول ءُ زھگ ھوار انت، تراک ءَ چہ نزیکیں دکان آنی شیشگ پرشتگ انت۔ پولیس ءِ رد ءَ ٹپیگیں مردم آنی تہ ءَ پولیس کارندہ، زالبول ءُ زھگ ھوار انت۔
