اسلام آباد۔ 07 ستمبر (اے پی پی) وزیراعظم محمد شہباز شریف پارینے کہ قوم جنگ ستمبر 1965 نا شہید و غازی تے خراج عقیدت پیش کیک، پاک فضائیہ نا شہید آتا عظیم قربانی تیان تینے آن 4 گناود دشمن نا ناپاک عزم ءِ مش تا کرے۔ چارشنبے نادے آ تینا ٹویٹ اٹی اوپارے کہ اینو 7 ستمبر نادے مچ آ قوم یوم فضائیہ اڈتننگ ءِ۔ پاکستان نا آجو فضانا محافظ آک مدام وخت بننگ آ دشمن ءِ داہیت ءِ باور کرفیر کہ وطن عزیز نا کنڈآ خراب انگا نظر اٹ ہروک آتے مدام بوز اٹ کنوئی تمک۔ جنگ ستمبر 1965 نا شہید و غازی تے کنتون اوار مچ آ قوم خراج تحسین پیش کیک۔ وزیراعظم پارے کہ غٹ پاکستانی سکوارڈرن لیڈر سرفراز رفیقی ، سکوارڈرن لیڈر منیر الدین و ، فلائٹ لیفٹیننٹ یونس حسین تون اوار پاک فضائیہ نا غٹ شہید آتا منت وار اُن ہرافتا عظیم قربانیک تینے آن 4 گناود دشمن نا ناپاک عزم ءِ مش تا کریر۔
