اسلام آباد۔ 07 ستمبر (اے پی پی) وزیراعظم محمد شہباز شریف اینو (چارشنبے نادے آ) ڈیرہ اسماعیل خان نا دورہ ءِ کیک ہراڑے نوکاپ نا دیر دروک آ زہمی سگوپل آ ٹریفک نا بحالی آ حوال تننگک۔ وزیراعظم آفس نا میڈیا ونگ آن جاری بیان نا رداٹ نوکاپ زدہ علاقہ غاتیٹی مواصلات و شاہراہ و رابطہ سڑک آتا بحالی حکومت نا اولیت ءِ۔ وزیراعظم نوکاپ زدہ علاقہ غاتیٹی شاہراہ و رابطہ سڑک آتا بحالی نا کاریم نا تینٹ چاروکی ءِ کننگ ءِ، دا بابت اودے ہڑدے ئی رپورٹ پیش کننگ انگ ءِ۔ ہندا چرجوئی ٹی وزیراعظم محمد شہباز شریف اینو (چارشنبےنادے آ) ضلع ڈیرہ اسماعیل خان نا نوکاپ آن زہمی سگوپل آ سرمننگ ءِ ہراڑے اودے این۔50 آ واقع دا اہم پول آ ٹریفک نا بحالی نا بابت حوال تننگک۔
